РЕЗУЛТАТИ И ИЗЈАВИ ПО ПЕТОЧНИТЕ ТРЕНИНЗИ

Михаел Шумахер со Мерцедес АМГ беше најбрз на петочните тренинзи за Големата Награда на Кина. По него следуваа Луис Хамилтон со Мекларен и Себастијан Ветел со Ред Бул. За разлика од првиот тренинг кој помина на влажна патека, за време на вториот тренинг имавме сув асфалт па можевме да видиме подолги стинтови и со тоа подобро да ја оцениме формата на тимовите. Првите индикации се дека дека "на Исток ништо ново", па така Мекларен и Ред Бул ќе се претстават доста силно во трката, а Мерцедес АМГ ќе бидат доста брзи во квалификациите. Ферари, најверојатно, ќе се обидат да ја исполнат својата прогноза, влегување во последниот дел од квалификациите и борба за што повеќе бодови.
ПРВ СЛОБОДЕН ТРЕНИНГ

 П.    ВОЗАЧ             ТИМ          ВРЕМЕ    РАЗЛИКА КРУГОВИ
 1. Луис Хамилтон      Мекларен      1:37.106             7 
 2. Нико Розберг       Мерцедес АМГ  1:38.116  + 1.010   14
 3. Михаел Шумахер     Мерцедес АМГ  1:38.316  + 1.210   14
 4. Серџо Перез        Заубер        1:38.584  + 1.478   13
 5. Камуи Кобајаши     Заубер        1:38.911  + 1.805   12
 6. Марк Вебер         Ред Бул       1:38.977  + 1.871   15
 7. Себастијан Ветел   Ред Бул       1:39.198  + 2.092   12
 8. Џенсон Батон       Мекларен      1:39.199  + 2.093    6
 9. Даниел Рикардо     Торо Росо     1:39.748  + 2.642   16
10. Жан-Ерик Верн      Торо Росо     1:39.768  + 2.662   14
11. Фернандо Алонсо    Ферари        1:40.056  + 2.950   14
12. Фелипе Маса        Ферари        1:40.153  + 3.047   14
13. Валтери Ботас      Вилијамс      1:40.298  + 3.192    8
14. Нико Хулкенберг    Форс Индија   1:40.328  + 3.222   13
15. Пастор Малдонадо   Вилијамс      1:40.540  + 3.434   12
16. Хеики Ковалаинен   Катерам       1:41.071  + 3.965   14
17. Роман Грожан       Лотус         1:41.204  + 4.098   14
18. Тимо Глок          Марусија      1:42.330  + 5.224   14
19. Гидо ван дер Гард  Катерам       1:42.521  + 5.415   11
20. Жил Бјанки         Форс Индија   1:44.118  + 7.012    8
21. Педро де ла Роса   ХРТ           1:44.227  + 7.121   10
22. Чарлс Пик          Марусија      1:44.500  + 7.394   15
23. Нараин Картикејан  ХРТ           1:47.204  +10.098   12
24. Кими Раиконен      Лотус         1:50.465  +13.359   11

ВТОР СЛОБОДЕН ТРЕНИНГ

 П.    ВОЗАЧ             ТИМ          ВРЕМЕ    РАЗЛИКА КРУГОВИ
 1. Михаел Шумахер     Мерцедес АМГ  1:35.973            32
 2. Луис Хамилтон      Мекларен      1:36.145  + 0.172   29
 3. Себастијан Ветел   Ред Бул       1:36.160  + 0.187   26
 4. Марк Вебер         Ред Бул       1:36.433  + 0.460   23
 5. Нико Розберг       Мерцедес АМГ  1:36.617  + 0.644   30
 6. Џенсон Батон       Мекларен      1:36.711  + 0.738   27
 7. Камуи Кобајаши     Заубер        1:36.956  + 0.983   28
 8. Пол ди Реста       Форс Индија   1:36.966  + 0.993   30
 9. Нико Хулкенберг    Форс Индија   1:37.191  + 1.218   30
10. Фернандо Алонсо    Ферари        1:37.316  + 1.343   32
11. Серџо Перез        Заубер        1:37.417  + 1.444   22
12. Даниел Рикардо     Торо Росо     1:37.616  + 1.643   33
13. Кими Раиконен      Лотус         1:37.836  + 1.863   30
14. Жан-Ерик Верн      Торо Росо     1:37.930  + 1.957   31
15. Роман Грожан       Лотус         1:37.972  + 1.999   25
16. Пастор Малдонадо   Вилијамс      1:38.176  + 2.203   34
17. Фелипе Маса        Ферари        1:38.293  + 2.320   30
18. Бруно Сена         Вилијамс      1:38.783  + 2.810   37
19. Хеики Ковалаинен   Катерам       1:38.990  + 3.017   36
20. Виталиј Петров     Катерам       1:39.346  + 3.373   19
21. Тимо Глок          Марусија      1:39.651  + 3.678   15
22. Педро де ла Роса   ХРТ           1:40.343  + 4.370   24
23. Чарлс Пик          Марусија      1:40.753  + 4.780   30
24. Нараин Картикејан  ХРТ           1:41.125  + 5.162   26

ДА ЗАПОЧНЕМЕ СО ВЕСТА НА ДЕНОТ, БАХРЕИН ГП ЌЕ СЕ ОДРЖИ СЛЕДНИОТ ВИКЕНД

По неколку недели на неизвесност околу судбината на Бахреин ГП, ФИА даде зелено светло за одржување на оваа трка. Во соопштението се вели дека во последниве недели, не се случило ништо загрижувачко околку безбедносната состојба во Бахреин. Од ФИА исто така, додаваат дека немало барање од страна на тимовите и Еклстоун дека трката треба да се одложи или откаже.

ВО МЕРЦЕДЕС АМГ СЕ КОНЦЕНТРИРААТ НА ТЕМПОТО ЗА ТРКА

Иако денес беа најбрзи во Мерцедес АМГ признаваат дека имаат проблеми со загревањето на гумите на работна температура. Рос Браун изјави: "Како што можевте да видите Михаел е во многу добра форма. Ние направивме многу кругови со полн резервоар, бидејќи тука бевме послаби во минатите трки. Нашиот проблем е што ние не ги одржуваме гумите на вистинската температура. Самите гуми се многу чувствителни, па така за да се извлече максимумот од нив, тие треба да бидат загреани во одреден опсег. Ние треба да најдеме соодветен начин рамномерно да го дистрибуираме оптоварувањето на гумите. Болидот сега е многу подобар отколку во минатите трки, и се надевам дека ќе бидеме во можност да освоиме многу поени." 

Луис е спремен за добра трка и борба за Победа
Возачот на Мекларен доби казна од пет стартни места поназад, но не се откажува од Победата: "Ми се допаѓаат вакви предизвици и ми се допаѓа да се обидам да направам нешто невозможно за да стигнам до Победата на трката. Добивањето на многу места на стартот, отсекогаш е еден од клучевите за успешна трка, но и многу нестрпливо ги очекувам квалификациите. Видовме на последната трка дека Победник беше Фернандо Алонсо стартувајќи од пониска стартна позиција, па ние сме позитивни по тоа прашање."

Ферари вели новите делови се чекор напред, ама ние не го гледаме.
"Донесовме нови делови во Кина за да ги подобриме нашите перформанси во споредба со предходните две трки. Првата проценка по тренинзите е добра, но вечерва ние ќе работиме на подлабока анализа. Од друга страна ние не можеме да го сокриеме фактот дека оваа патека помалку ни одговара, отколку таа во Малезија. Ако бидеме реални, јас не очекувам ништо големо за време и на овој викендот. Квалификациите би требало да ги завршиме помеѓу 7-та и 12-та позиција, како и во Сепанг. Ние мора да се подобриме во неколку области, а најмногу во областа на аердинамиката", изјави Пет Фрај, техничкиот директор на Ферари.