2012 ЕВРОПА ГП: ВЕТЕЛ НАЈБРЗ НА ВТОРИОТ ТРЕНИНГ

Себастијан Ветел со својот Ред Бул го постави најбрзото време на вториот слободен тренинг. Веднаш зад него се Нико Хулкенберг со Форс Индија и Камуи Кобајаши со Заубер. Поредокот изгледа доста измешано, што не е за изненадување, будејќи сето ова е само тренинг. Некои од возачите своите брзи кругови ги направија на почетокот на тренингот кога времето и патеката беа поладни, додека други, како Розберг, пак, не успеаа да направат брз круг на меките гуми, поради инцидентот на де ла Роса, кој се удри во заштитните огради. Тоа беше единствениот посериозен инцидент на денешниот ден.

Ферари и Мекларен како да не ги покажаа своите целосни потенцијали. Хамилтон не направи брз круг, додека Батон излезе порано со меките гуми на патеката. Алонсо и Маса направија серија од обиколки со меките гуми, а не само еден квалификациски круг, како што тоа го направија Хулкенберг и Кобајаши на пример.

Вилијамс би требало да се претстави во доста добро светло на утрешните квалификации. Лотус и Мерцедес АМГ се приказна за себе. По позитивните коментари пред доаѓањето во Валенсија, сега од Мерцедес АМГ викаат дека не очекуваат многу од овој викенд(блеф?!?). Лотус има проблем со температурата, ако за време на квалификациите имаме жешко време тие ќе се претстават во добро светло, но ако има облаци не очекувајте многу од нив.

Квалификационата сесија утре започнува од 14 часот.

 П.      ВОЗАЧ              ТИМ                ВРЕМЕ     РАЗЛИКА КРУГОВИ
 1. Себастијан Ветел      Ред Бул             1:39.334             33
 2. Нико Хулкенберг       Форс Индија         1:39.465   + 0.131   32
 3. Камуи Кобајаши        Заубер              1:39.595   + 0.261   20
 4. Михаел Шумахер        Мерцедес АМГ        1:39.601   + 0.267   27
 5. Бруно Сена            Вилијамс            1:39.644   + 0.310   34
 6. Пол ди Реста          Форс Индија         1:39.700   + 0.366   32
 7. Фернандо Алонсо       Ферари              1:39.733   + 0.399   34
 8. Роман Грожан          Лотус               1:39.868   + 0.534   33
 9. Марк Вебер            Ред Бул             1:39.901   + 0.567   30
10. Нико Розберг          Мерцедес АМГ        1:39.926   + 0.592   32
11. Кими Раиконен         Лотус               1:39.945   + 0.611   34
12. Џенсон Батон          Мекларен            1:39.990   + 0.656   33
13. Пастор Малдонадо      Вилијамс            1:40.075   + 0.741   29
14. Луис Хамилтон         Мекларен            1:40.147   + 0.813   25
15. Фелипе Маса           Ферари              1:40.244   + 0.910   35
16. Серџо Перез           Заубер              1:40.511   + 1.177   29
17. Виталиј Петров        Катерам             1:40.963   + 1.629   20
18. Даниел Рикардо        Торо Росо           1:41.121   + 1.787   32
19. Хеики Ковалаинен      Катерам             1:41.197   + 1.863   38
20. Жан-Ерик Верн         Торо Росо           1:41.263   + 1.929   29
21. Тимо Глок             Марусија            1:42.424   + 3.090   21
22. Чарлс Пик             Марусија            1:42.958   + 3.624   30
23. Нараин Картикејан     ХРТ                 1:44.201   + 4.867   33
24. Педро де ла Роса      ХРТ                 1:44.260   + 4.926   12