ШУМИ СЕ НАДЕВА НА ДОБРА ТРКА ВО ВАЛЕНСИЈА

Михаел Шумахер има еден од своите најлоши почетоци на сезоната во својата долга кариера. Германецот има 5 откажувања од 7 стартувани трки со само два освоени поени. И покрај шокантните статистички податоци, Пирели типува на Шуми за трката за Големата награда на Европа, која се вози во Валенсија. Мотивиран е и тој самиот:

"Целиот наш фокус сега e на трката во Валенсија, јас сум сигурен дека ние сме мотивирани и посилни по завршувањето на трката во Канада, која не помина како што посакував. Нашето мото во последните неколку дена беше да ги засукаме нашите ракави и да се фатиме за работа, така да сите во тимот работеа напорно, и во Валенсија одиме со оптимистичко расположение. Локацијата на патеката е добра и стазата е интересна за возење, па ајде да видиме што можеме да направиме".