На патеката Каталуња во Шпанија утринава тимот на Вилијамс Ф1 го промовираше својот болид за 2013 година со ознака FW35. Според овој тим најновиот болид е кулминација на 12 месечниот развој од страна на нивниот технички оддел.
Болидот има подобрувања во неколку клучни области во однос на минатата година, но и покрај тоа што е еволуција на болидот од 2012, FW35 е повеќе од 80 отсто нов. Има нов менувач, нова задна амортизација, нови радијатори, нов под, нов издувен систем, нова каросерија, нов нос и значителен намалена тежина.
Според, Мајк Кофлан, техничкиот директор на Вилијамс Ф1, денешната промоција на FW35, сепак, е само почеток од кој ќе се продолжи да се развива болидот во текот на годината, почнувајќи со аеродинамичка надградба веќе за време на првата трка во Австралија.
