2013 МОНАКО ГП: РОЗБЕРГ ЈА ПОТВРДИ КАНДИДАТУРАТА ЗА НАЈВИСОК ПЛАСМАН

Нико Розберг со најбрзото време за само 0.087 секунди пред Фернандо Алонсо на првиот тренинг за Монако ГП-то. Но, оваа сесија служи за запознавање на возачите со условите на патеката, па од резултатска гледна точка може малку да си извлече како некој сигурен заклучот. Возачите ги користеа само меките гуми, а супер-меките, кои ќе се користат во квалификациите, ќе ги видиме на вториот тренинг кој ќе биде подобар репер за да ги видиме претендентите за Пол позицијата. Но, мора да кажеме дека времето на Розберг сугерира дека Мерцедес повторно би требало да бидат најсериозни конкуренти за првиот ред, а тоа ќе ни го потврдат со добар резултат на вториот тренинг.

Фернандо Алонсо беше втор, а Фелипе Маса четврти најбрз, што треба да значи дека Ферари ќе е добар на оваа патека. Возачите на Лотус, имаа проблеми со контролирањето на болидот низ тесните улици на Монте Карло, за на крај само Роман Грожан да изнајде сет-ап на болидот со кој го забележа третото најбрзо време, и заврши само 0.185с. зад Розберг. Кими Раиконен треба сеуште да го пронајде вистинскиот баланс на Е21. Но, затоа следуваат уште 2 слободни тренинзи, кои може многу да сменат.

Пастор Малдонадо докажа дека е "street fighter", поставувајќи го шестото најбрзо време со толку оспоруваниот болид на Вилијамс. Но, сето тоа треба да го повтори и на Квалификациите во сабота, и трката во недела. Ред Бул повторно не ги покажува своите адути, па така Марк Вебер со само седмо најбрзо време, а Себастијан Ветел дури десетти. Но, овој пласман драстично треба да се подобри на вториот тренинг, а ако тоа по некоја случајност не се постигне, тогаш Ред Бул навистина ќе бидат во големи проблеми.

Вториот слободен тренинг на кој ќе се одговорат повеќе прашања околу фаворитите за највисок пласман започнува во 14:00 СЕТ/МК.
ПРВ СЛОБОДЕН ТРЕНИНГ

 П.    ВОЗАЧ              ТИМ           ВРЕМЕ    РАЗЛИКА  КРУГОВИ
 1. Нико Розберг        Мерцедес АМГ   1:16.195             30
 2. Фернандо Алонсо     Ферари         1:16.282  + 0.087    26
 3. Роман Грожан        Лотус          1:16.380  + 0.185    20
 4. Фелипе Маса         Ферари         1:16.394  + 0.199    22
 5. Луис Хамилтон       Мерцедес АМГ   1:16.469  + 0.274    27
 6. Пастор Малдонадо    Вилијамс       1:16.993  + 0.798    26
 7. Марк Вебер          Ред Бул        1:17.020  + 0.825    26
 8. Џенсон Батон        Мекларен       1:17.129  + 0.934    28
 9. Серџо Перез         Мекларен       1:17.378  + 1.183    24
10. Себастијан Ветел    Ред Бул        1:17.380  + 1.185    22
11. Кими Раиконен       Лотус          1:17.509  + 1.314    25
12. Пол ди Реста        Форс Индија    1:17.548  + 1.353    26
13. Адријан Сутил       Форс Индија    1:17.625  + 1.430    20
14. Нико Хулкенберг     Заубер         1:18.193  + 1.998    25
15. Жан-Ерик Верн       Торо Росо      1:18.454  + 2.259    24
16. Естебан Гутиерес    Заубер         1:18.754  + 2.559    27
17. Валтери Ботас       Вилијамс       1:18.830  + 2.635    27
18. Даниел Рикардо      Торо Росо      1:19.067  + 2.872    24
19. Гидо ван дер Гард   Катерам        1:19.203  + 3.008    20
20. Чарлс Пик           Катерам        1:19.438  + 3.243    27
21. Жил Бјанки          Марусија       1:19.773  + 3.578    19
22. Макс Чилтон         Марусија       1:20.225  + 4.030    20