2013 МОНАКО ГП: МЕРЦЕДЕС АМГ ДЕФИНИТИВНО НАЈГОЛЕМ КОНКУРЕНТ ЗА ПОЛ ПОЗИЦИЈАТА

Болидите на Мерцедес АМГ на денешните слободни тренинзи покажаа дека нивните ривали беа во право кога ги истакнуваа како најсериозни конкуренти за освојување на Пол позицијата за Монако Гран При-то. Нико Розберг ја продолжи својата одлична форма со поставување на најбрзото време и на вториот тренинг од 1:14.759, единствениот под 1:15. Луис Хамилтон се погрижи за 1-2 пласман, поставувајќи време за три десетинки побавно од Розберг.

Ферари исто така, покажаа добри перформанси, а единствена нивна слаба точка беше 3-от сектор, каде губеа многу време при своите брзи кругови. На крај, Фернандо Алонсо и Фелипе Маса завршија со третото и четвртото најбрзо време. Да напоменеме дека Алонсо беше малку забавен од болидот на Заубер при неговиот брз круг и за малку не се удри во бариерите во два наврати.

Марк Вебер беше петти, додека Кими Раиконен шести, пред тимскиот колега Роман Грожан, кој го имаше единствениот посериозен инцидент на денешните тренинзи, кога загуби контрола врз својот болид и се удри во бариерите поставени кај кривината, Sainte Devote. Предниот лев дел на неговиот болид беше значително оштетен, принудувајќи го да го заврши предвреме тренингот со останати 50 минути.

Џенсон Батон го постави на осмото најбрзо време, додека актуелниот светски шампион Себастијан Ветел помина многу време во гаражата, не се знае дали тактизирајќи или тимот се соочуваше со проблеми, и пред крајот на тренингот го постави деветтото најбрзо време. Пол ди Реста ги заокружи најбрзите 10 возачи.
ВТОР СЛОБОДЕН ТРЕНИНГ

 П.    ВОЗАЧ              ТИМ           ВРЕМЕ    РАЗЛИКА  КРУГОВИ
 1. Нико Розберг        Мерцедес АМГ   1:14.759             45
 2. Луис Хамилтон       Мерцедес АМГ   1:15.077  + 0.318    50
 3. Фернандо Алонсо     Ферари         1:15.196  + 0.437    37
 4. Фелипе Маса         Ферари         1:15.278  + 0.519    38
 5. Марк Вебер          Ред Бул        1:15.404  + 0.645    41
 6. Кими Раиконен       Лотус          1:15.511  + 0.752    38
 7. Роман Грожан        Лотус          1:15.718  + 0.959    10
 8. Џенсон Батон        Мекларен       1:15.959  + 1.200    39
 9. Себастијан Ветел    Ред Бул        1:16.014  + 1.255    32
10. Пол ди Реста        Форс Индија    1:16.046  + 1.287    42
11. Адријан Сутил       Форс Индија    1:16.349  + 1.590    43
12. Серџо Перез         Мекларен       1:16.434  + 1.675    40
13. Нико Хулкенберг     Заубер         1:16.823  + 2.064    42
14. Пастор Малдонадо    Вилијамс       1:16.857  + 2.098    40
15. Естебан Гутиерес    Заубер         1:16.935  + 2.176    44
16. Даниел Рикардо      Торо Росо      1:17.145  + 2.386    37
17. Жан-Ерик Верн       Торо Росо      1:17.184  + 2.425    42
18. Валтери Ботас       Вилијамс       1:17.264  + 2.505    46
19. Жил Бјанки          Марусија       1:17.892  + 3.133    40
20. Чарлс Пик           Катерам        1:18.212  + 3.453    43
21. Макс Чилтон         Марусија       1:18.784  + 4.025    40
22. Гидо ван дер Гард   Катерам        1:19.031  + 4.272    30