2013 ШПАНИЈА ГП: СЕБАСТИЈАН ВЕТЕЛ НАЈБРЗ НА ВТОРИОТ ТРЕНИНГ

Себастијан Ветел го постави најбрзото време на вториот тренинг на патеката Каталуња. Тој беше за само 0.017с. побрз од Фернандо Алонсо на втората т.е. 0.083с. од својот тимски колега на третата позиција. Фернандо Алонсо вели дека е премногу рано да се типува за неговите шанси за победа на Шпанското Гран При и покрај силниот старт на викендот. Можеби е во право, бидејќи инженерите на Ред Бул по радио врска им велеа на своите возачи да не ги форсираат гумите премногу во кривините, а се потврдува и со изјавата на Германецот, кој рече дека не е премногу загрижен од формата на Ферари.

Возачите конечно беа во можност да возат на сува патека по влажниот прв слободен тренинг. Во тесна битка следуваа Кими Раиконен, Фелипе Маса и Луис Хамилтон. Хамилтон, тренингот го започна со извртување на патеката во кривината со број единаесет. Повторно со побрзо време од својот тимски колега, кој беше веднаш зад него со седмо најбрзо време.

Следуваат болидите на Форс Индија и Торо Росо еден зад друг, а интересен, но опасен момент имаше Пол ди Реста на чиј болид се распадна задната лева гума на главниот правец, што покажува дека трошењето на гумите е повторно високо.

По завршувањето на само вкупно 12 круга на првиот тренинг поради врнежите од дожд, Џенсон Батон и Серџо Перез почнаа да го тестираат новиот пакет на надградби, кој вклучува и ново предно крило. Успеаа да го извозат само 12 и 13-тото најбрзо време, со големо заостанување зад водечките тимови. Џенсон Батон призна дека првата фаза од големата серија на надградби не довела до радикални подобрувања во перформансите на Мекларените.

Валтери Ботас и тимот на Вилијамс пак изјавија дека нивните надградби се пол погодок и дека болидот никогаш не се однесувал подобро, но сепак не се сигурни дали тоа и ќе донесе доволна добивка во перформансите.
ВТОР СЛОБОДЕН ТРЕНИНГ

  Поз.    ВОЗАЧ              ТИМ           ВРЕМЕ    РАЗЛИКА  КРУГОВИ
 1. Себастијан Ветел    Ред Бул        1:22.808             34
 2. Фернандо Алонсо     Ферари         1:22.825  + 0.017    35
 3. Марк Вебер          Ред Бул        1:22.891  + 0.083    36
 4. Кими Раиконен       Лотус          1:23.030  + 0.222    32
 5. Фелипе Маса         Ферари         1:23.110  + 0.302    37
 6. Луис Хамилтон       Мерцедес АМГ   1:23.140  + 0.332    35
 7. Нико Розберг        Мерцедес АМГ   1:23.398  + 0.590    45
 8. Адријан Сутил       Форс Индија    1:23.840  + 1.032    37
 9. Жан-Ерик Верн       Торо Росо      1:24.058  + 1.250    31
10. Пол ди Реста        Форс Индија    1:24.104  + 1.296    25
11. Даниел Рикардо      Торо Росо      1:24.175  + 1.367    32
12. Џенсон Батон        Мекларен       1:24.306  + 1.498    35
13. Серџо Перез         Мекларен       1:24.854  + 2.046    31
14. Валтери Ботас       Вилијамс       1:24.888  + 2.080    38
15. Нико Хулкенберг     Заубер         1:25.167  + 2.359    38
16. Пастор Малдонадо    Вилијамс       1:25.321  + 2.513    32
17. Естебан Гутиерес    Заубер         1:25.441  + 2.633    37
18. Роман Грожан        Лотус          1:25.851  + 3.043    35
19. Гидо ван дер Гард   Катерам        1:25.963  + 3.155    30
20. Жил Бјанки          Марусија       1:26.078  + 3.270    31
21. Чарлс Пик           Катерам        1:26.930  + 4.122    35
22. Макс Чилтон         Марусија       1:26.970  + 4.162    25