2013 МОНАКО ГП: НАЈБРЗОТО ВРЕМЕ НА РОЗБЕРГ, ВО СЕНКА НА МНОГУТЕ СУДИРИ СО БАРИЕРИТЕ

Нико Розберг повторно најбрз и на денешниот слободен тренинг пред стартот на Квалификациите за Монако ГП-то. Чуден тек на саботното утро, кога секој возач требаше го чува својот болид, но на крај заврши можеби со најмногу судири во историјата на саботните тренинзи. Германецот беше речиси седум десетинки од секундата побрз од сите останати возачи, но вториот дел од тренингот беше прекинат од страна на судирите на Фелипе Маса, Роман Грожан и Адријан Сутил, предизвикувајќи две црвени знамиња.

Судирот на Фелипе Маса беше прв и најголем. Него му блокираа предните тркала на неговиот Ферари при влез во познатата кривина Saintе Devote, изгуби контрола и удри во бариерите. Штетата на неговиот болид беше голема. Кратко време по рестартот на тренингот, Сутил изгуби контрола врз задниот дел од својот болид во областа Massenet, повторно исход судир со бариерите, но овој беше "најнежен" од сите.

Грожан беше една од ретките возачи кој по овие судири реши да постави брзо време, во што и успеа, поставувајќи го второто најбрзо време. Но, при неговиот последен круг тој почна да кочи премногу доцна во Saintе Devote, по евентуално деконцентрацијата од Мерцедесот на Луис Хамилтон кој во тој момент излегуваше од боксовите, и имаше реприза на својот судир од четвртокот.

Со само една минута до крајот на тренизгот, беше покажано црвено знаме, со што и заврши утринскиот хаос во Монте Карло. Квалификациите се закажани за 14:00 CET/MK, а временската прогноза предвидува можност за дожд, кој дополнително би ја зачинил акцијата на оваа улична патека.

ТРЕТ СЛОБОДЕН ТРЕНИНГ

 П.    ВОЗАЧ              ТИМ           ВРЕМЕ    РАЗЛИКА  КРУГОВИ
 1. Нико Розберг        Мерцедес АМГ   1:14.378             22
 2. Роман Грожан        Лотус          1:15.039  + 0.661    13
 3. Себастијан Ветел    Ред Бул        1:15.261  + 0.883    17
 4. Фернандо Алонсо     Ферари         1:15.286  + 0.908    17
 5. Луис Хамилтон       Мерцедес АМГ   1:15.311  + 0.933    20
 6. Кими Раиконен       Лотус          1:15.380  + 1.002    19
 7. Марк Вебер          Ред Бул        1:15.550  + 1.172    20
 8. Пол ди Реста        Форс Индија    1:15.594  + 1.216    17
 9. Пастор Малдонадо    Вилијамс       1:15.861  + 1.483    15
10. Нико Хулкенберг     Заубер         1:15.926  + 1.548    25
11. Серџо Перез         Мекларен       1:15.958  + 1.580    23
12. Џенсон Батон        Мекларен       1:15.976  + 1.598    19
13. Жан-Ерик Верн       Торо Росо      1:15.976  + 1.598    21
14. Даниел Рикардо      Торо Росо      1:16.060  + 1.682    16
15. Адријан Сутил       Форс Индија    1:16.068  + 1.690    12
16. Фелипе Маса         Ферари         1:16.105  + 1.727     8
17. Естебан Гутиерес    Заубер         1:16.427  + 2.049    26
18. Валтери Ботас       Вилијамс       1:16.933  + 2.555    17
19. Чарлс Пик           Катерам        1:17.902  + 3.524    20
20. Гидо ван дер Гард   Катерам        1:18.102  + 3.724    20
21. Жил Бјанки          Марусија       1:18.706  + 4.328    22
22. Макс Чилтон         Марусија       1:19.228  + 4.850    22