МАРК ВЕБЕР ГО ПОЧУСТВУВА ЛМП1, ТРКАЧКИОТ АВТОМОБИЛ НА ПОРШЕ

Порше ja заврши својaтa 2013 тест-програма со новиот LMP1 тркачки автомобил. Порше LMP1 ги комплетираше последните тест круга за оваа година на Autódromo Internacional do Algarve во близина Портимао, Португалија. Тестирање ќе продолжи и на почетокот од 2014 година. Порше ќе има два LMP1 тркачки автомобили кои ќе се натпреваруваат во World Endurance Championship (WEC). Шампионатот започнува во април 2014 година, со 24 часа Ле Ман, најпознатата трка од сезоната.

Марк Вебер, кој потпиша за овој тим по напуштањето на Формула 1, ја доби првата шанса да го почуствува новиот тркачки автомобил на Порше - LMP1. Австралијанецот добил зелено светло од Ред Бул тимот да ги спроведе овие првични тестови, и покрај тоа што тој сеуште е под договор. Марк Вебер официјално ќе се приклучи на фабричкиот тим на Порше од 1 јануари 2014 година, како дел од возачката постава која ги вклучува уште и возачите Тимо Бернхард, Роман Дима и Нил Јани.

Марк Вебер ги искажа своите први импресии:

"Мојот прв ден во овој фасцинантен проект беше интензивно искуство за мене и јас би сакал да се заблагодарам на Ред Бул што ми даде можност да се приклучам на проектот толку рано. Ова е голем и важен чекор за сите нас. Ова ќе ми овозможи побрзо да се интегрирам со тимот и да придонесам за понатамошно развивање на LMP1 тркачкиот автомобил. Имаме долг пат да поминеме, што вклучува многу напорна работа. Немам заблуди околу овој проект."