МАДРИД: ПРOМОВИРАН СВЕТОТ НА ФЕРНАНДО АЛОНСО

Фернандо Алонсо во соработка со својот спонзор Сантандер работи на своја промоција. Во стил на Ферари, утринава, е отворена изложба под името Светот на Фернандо, во Centro de Exposiciones Arte Canal, во Мадрид. Колекцијата се состои од болиди, трофеи и сувенири кои ја покриваат Ф1 кариерата на Шпанецот, како интерактивно патување низ историјата на Фернандо. Изложбата ќе трае до 4 мај следната година, а целата оваа колекција потоа ќе биде сместена во музејот на Фернандо Алонсо, кој ќе се отвори во Овиедо. На церемонијата на отворањето, покрај неговото семејство и најблиските пријатели, присутни беа и сите шефови на тимови на кои тој бил член во Формула 1, Џанкарло Минарди, Флавио Бријаторе, Мартин Витмарш и Стефано Доменикали.

"Овој ден ќе го искористам да се заблагодарам на моето семејство, Општината Мадрид, и секој кој беше со мене низ мојата кариера и кои се тука и денес. Моето семејство, пред се, е најзаслужно за се ова, бидејќи тие ми ја дадоа љубовта кон овој спорт, а исто така, и што оваа колекција денес е тука. Неверојатно е што татко ми зачувал толку многу работи во текот на годините. Кациги, ракавици, комбинезони, работи кои лесно можеа да ги фрлат, работи кои тогаш немаа никакво значење, а денес значат нешто. Овде имаме два Шампионски Ф1 болиди и еден Шампионски картинг, како и фотографии со семејството кои датираат кога имав седум, девет, десет години. Се надевам дека ова ќе помогне повеќе луѓето да дојдат поблиску до спортот што го сакам."

Изложбата има шест тематските секции:
"Km 0" - која ги опфаќа првите чекори на Алонсо во спортот;
"La colección" - која ги опфаќа Ф1 болидите, како и оние од помалите формули;
"Circuito Alo" - интерактивнo патување низ тркaчката кариерата и животот на Фернандо Алонсо;
"Start Your Engines!" - аудио-визуелен поглед кон Формула 1, за да се сподели страста на Астуријанецот кон овој спорт;
"F1 Experiences" - место каде што може да се откријат тајните на технолошките иновации кои го карактеризираат најсовршениот мотоспорт;
"275,000 km de emoción" - целата кариера на Фернандо Алонсо претставена низ видео.