2014 БОЛИДИ: ЛОТУС Ф1 ГО ПРЕЗЕНТИРАШЕ Е22 - БОЛИД СО УНИКАТЕН НОС

Конечно и последниот тим во Формула 1 шампионатот, Лотус Ф1, го презентираше својот 2014 болид на почетокот од втората пред сезонска тест сесија што денес започна во Бахреин. Новиот E22, има уникатно карактеристичен нос, досега невиден на нити еден друг болид. Тој е во форма на вилушка со два асиметрични запци. Дизајнот на носот на Е22 е начин на толкување на новите правила од страна на инженерите на Лотус. Ривалите тврдеа дека овој дизајн на Лотус Ф1 е агресивен начин на толкување на правилата, и имаше дебати оклу неговата легалност.

Од Лотус Ф1 ја пропуштија првата тест сесија во Херез, за да бидат целосно подготвени за оваа тест сесија во Бахреин, но според прикажаното, проблемите на Рено погонската единица делуваат и на нивниот болид!!! Имаат на располагање осум тест дена за да се подготват за почетокот на новата сезона во Мелбурн на 16 март.

Ник Честер, техничкиот директор на Лотус Ф1, изјави:

"Ние единствени се решивме да одиме во иновативна насока, која што е поразлична од сите други тимови. Ние сме сигурни дека се е според правилата и прописите на ФИА за 2014 сезоната, а кога има толку многу варијации во дизајнот, секогаш постојат теми за разговор. Ние остануваме опуштени и фокусирани на нашиот дизајн и развој на болидот."