2014 БАХРЕИН II ТЕСТ: ПОСЛЕДНА ТЕСТ ШАНСА ЗА СИТЕ ТИМОВИ

Утре започнува последната четиридневна пред-сезонска тест сесија која исто така ќе се одржи во Бахреин. Тест сесиите во Бахреин ќе се одвиваат на топло време, какво што е на повеќето трки од календарот. Но, поради големото растојание помеѓу Бахреин и Европските бази на тимовите, поправките и набавката на нови делови се логистички многу тешка задача. Со завршување на сесијата во недела ќе има помалку од две недели до првата трка во Мелбурн, што го потенцира фактот дека пред нас е клучниот тест и подготовките за добар почеток на сезоната.

  ТИМ          ЧЕТВРТОК, 27/2/2014 ПЕТОК, 28/2/2014
Ред Бул        Даниел Рикиардо     Даниел Рикиардо
Мерцедес АМГ   Нико Розберг        Луис Хамилтон
Ферари         Кими Раиконен       Фернандо Алонсо
Лотус          Пастор Малдонадо    Пастор Малдонадо
Мекларен       Кевин Магнусен      Џенсон Батон
Заубер         Адријан Сутил       Естебан Гутиерес
Форс Индија    Серџо Перез         Серџо Перез
Вилијамс       Валтери Ботас       Фелипе Маса
Торо Росо      Дањил Квјат         Жан-Ерик Верн
Катерам        Робин Фријнс        Камуи Кобајаши
Марусија       Макс Чилтон         Жил Бјанки

 ТИМ           САБОТА, 1/3/2014    НЕДЕЛА, 2/3/2014
Ред Бул        Себастијан Ветел    Себастијан Ветел
Мерцедес АМГ   Нико Розберг        Луис Хамилтон
Ферари         Кими Раиконен       Фернандо Алонсо
Лотус          Роман Грожан        Роман Грожан
Мекларен       Кевин Магнусен      Џенсон Батон
Заубер         Наскоро             Наскоро
Форс Индија    Нико Хулкенберг     Нико Хулкенберг
Вилијамс       Фелипе Маса         Валтери Ботас
Торо Росо      Дањил Квјат         Жан-Ерик Верн
Катерам        Маркус Ериксон      Камуи Кобајаши
Марусија       Жил Бјанки          Макс Чилтон

Секој болид и на третата тест сесија во Бахреин ќе има на располагање 30 сетови на нови гуми, а редоследот по смеши е прикажан во приложената табела. Од неа може да се забележи дека тимовите ќе бидат во можност да тестираат три вида на гуми за суво во Бахреин: тврди, медиум и меки.

Тимовите побарале и од зимските тврди гуми користени и специјално дизајнирани од Пирели за тест сесијата во Херез, чија цел беше да се обезбеди брзо загревање на ниски температури. Оваа "зимска" верзија е препознатлива по тоа што нема никакви ознаки.

22 сетови на гуми се избрани од страна на Пирели во согласност со тимовите, а останатите осум сетови ќе бидат избрани од страна на секој тим пооделно, за да одговараат на нивните индивидуални тест програми.

   ГУМИ           С/Б     НАЈБРЗО ВРЕМЕ - 2013
Супер-меки         0            нема
Меки               2            нема
Медиум            10          1:32.330
Тврди              8          1:36.961
Интермедиа         0            нема
Гуми за дожд       0            нема
Зимски-Тврди       2            нема