Германискиот весник, Спорт Билд, тврди дека трпението на водечките луѓе во Австрискиот тим е при крај и преку глава им е од слабите перформанси на ПЕ од својот сегашен партнер Рено Ф1. Затоа, разгледувајќи ги сите опции, се вели дека Ред Бул започнал преговори со својот ривал Ферари.
Спорт Билд тврди дека Ферари е навистина подготвен да го олесни враќањето на Ред Бул и Торо Росо кон ПЕ на овој Италијански производител за 2016 година. Сепак, овие тимови, наводно, би имале јасен статус "Б", вклучувајќи и спецификација на моторот за 20-30 КС зад тимот на Ферари.
Но, д-р Хелмут Марко вели: "Дури и Б-верзијата на Ферари ПЕ ќе биде подобра отколку A-верзијата на Рено ПЕ."
Во моментов, двата тима се под обврски со Рено за 2016 година, но се верува дека договорот со Ред Бул би можел лесно да се раскине, а Торо Росо да биде предаден во целосна сопственост на Рено, доколку Французите се решат да останат во Ф1 Шампионатот како полноправен фабрички тим.
