2016 МАЛЕЗИЈА ГП: РЕЗУЛТАТИ ОД ДЕНЕШНИТЕ ТРЕНИНГ СЕСИИ

Мерцедес АМГ повторно беше најбрз и на двата петочни тренинзи, со Нико Розберг на предпладневната и Луис Хамилтон на попладневната сесија. Двете времиња беа побрзи за околу 5 секунди отколку еквивалентите од 2015 сезоната, што е последица на реасфалтирањето и порамнување на сите нерамнини кои ги имаше патеката до минатата година, како и меката компонента на Пирели. Секако тука е и напредокот во силината на погонските едниници. Како и да е, пет секунди се импресивно постигнување за само една сезона.

Луис Хамилтон го имаше најбрзото време на денот, кое беше за 0,223 секунди побрзо од својот тимски колега, додека Себастијан Ветел заостануваше 0.661 секунди со третото најбрзо време, исто така пред тимскиот колега од Ферари, Кими Раиконен. Интересни и добри времиња поставени од страна на Фернандо Алонсо од Мекларен, кој ја користеше најновата верзија на Хонда ПЕ и штета што ќе стартува од последниот ред.

Но, целта им е да се покажат во најдобро светло на наредната трка во Јапонија, пред домашната публика на Хонда. Затоа, планот на тимот во оваа фаза е повторно да се вратат на постарата спецификација за остатокот од овој викенд. Џенсон Батон, кој ја немаше новата Хонда ПЕ, и нема да ја има до трката за Големата Награда на САД, беше со пласман на 10 позиција на табелите и во двете тренинг сесии.

Денот започна со драматично запалување на болидот на Кевин Магнусен, а како причина за тоа беше утврдена дека е протекувањето на гориво од цревото за "дишење" на резервоарот. Данецот брзо излезе од својот болид по само два инсталациски круга на првиот тренинг, а тимските механичари френетично се обидуваа да го изгаснат огнот, како и да го испразнат полниот резервоар.

Болидот беше навреме поправен за Магнусен да учествува на вториот тренинг, но го имаше само 19-тото најбрзо време и го навлече гневот на Џенсон Батон од Мекларен за блокирање при неговиот брз круг.

Мерцедес АМГ немаше проблеми и ривали за да биде најбрз, нити во најбрзите квалификациски времиња, нити пак кога се возеа подолги стинтови за симулација на тркачки услови. Како што го покажуваат и времиња, Луис Хамилтон се покажа подобар во однос на Нико Розберг и во викендот влегува со подобра форма. Зад Мерцедес АМГ, Ферари се чини дека имаат предност над Ред Бул, па двата тимови ќе продолжат со својата битка за второто место во конструктори. Себастијан Ветел беше за 0.432 секунди побрз од Макс Ферстапен.

ПРВ СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГA
 1. Нико Розберг     Мерцедес АМГ 1:35.227           25
 2. Луис Хамилтон    Мерцедес АМГ 1:35.721 + 0.494   25
 3. Кими Раиконен    Ферари       1:36.315 + 1.088   16
 4. Себастијан Ветел Ферари       1:36.331 + 1.104   18
 5. Фернандо Алонсо  Мекларен     1:36.510 + 1.283   18
 6. Даниел Рикиардо  Ред Бул      1:36.753 + 1.526   27
 7. Макс Ферстапен   Ред Бул      1:36.973 + 1.746   26
 8. Нико Хулкенберг  Форс Индија  1:37.515 + 2.286   26
 9. Серџо Перез      Форс Индија  1:37.601 + 2.374   27
10. Џенсон Батон     Мекларен     1:37.615 + 2.386   20
11. Данил Квјат      Торо Росо    1:37.847 + 2.620   29
12. Валтери Ботас    Вилијамс     1:37.861 + 2.634   17
13. Роман Грожан     Хас          1:37.886 + 2.659   22
14. Естебан Гутиерез Хас          1:37.921 + 2.694   20
15. Карлос Саинц JР. Торо Росо    1:38.055 + 2.828   25
16. Фелипе Наср      Заубер       1:38.184 + 2.957   18
17. Маркус Ериксон   Заубер       1:38.315 + 3.086   20
18. Фелипе Маса      Вилијамс     1:38.339 + 3.112   24
19. Џолион Палмер    Рено         1:39.148 + 3.924   23
20. Естебан Окон     Манор        1:40.036 + 4.809   28
21. Паскал Верлајн   Манор        1:40.627 + 5.400   26
22. Кевин Магнусен   Рено          без пост. време    2

2014 Најбрзо време: Луис Хамилтон - Мерцедес АМГ - 1:40.691
2015 Најбрзо време: Нико Розберг - Мерцедес АМГ - 1:40.124

ВТОР СЛОБОДЕН ТРЕНИНГ

 П.     ВОЗАЧ           ТИМ        ВРЕМЕ   РАЗЛИКА КРУГA
 1. Луис Хамилтон    Мерцедес АМГ 1:34.944           35
 2. Нико Розберг     Мерцедес АМГ 1:35.177 + 0.233   36
 3. Себастијан Ветел Ферари       1:35.605 + 0.661   37
 4. Кими Раиконен    Ферари       1:35.842 + 0.898   31
 5. Макс Ферстапен   Ред Бул      1:36.037 + 1.093   29
 6. Серџо Перез      Форс Индија  1:36.284 + 1.340   33
 7. Фернандо Алонсо  Мекларен     1:36.296 + 1.352   27
 8. Даниел Рикиардо  Ред Бул      1:36.337 + 1.393   30
 9. Нико Хулкенберг  Форс Индија  1:36.390 + 1.446   37
10. Џенсон Батон     Мекларен     1:36.715 + 1.771   22
11. Карлос Саинц JР. Торо Росо    1:36.836 + 1.892   30
12. Џолион Палмер    Рено         1:36.940 + 1.996   36
13. Валтери Ботас    Вилијамс     1:37.016 + 2.072   37
14. Естебан Гутиерез Хас          1:37.048 + 2.104   28
15. Фелипе Маса      Вилијамс     1:37.110 + 2.167   19
16. Данил Квјат      Торо Росо    1:37.297 + 2.353   29
17. Маркус Ериксон   Заубер       1:37.446 + 2.505   28
18. Фелипе Наср      Заубер       1:37.547 + 2.603   26
19. Кевин Магнусен   Рено         1:37.664 + 2.720   19
20. Роман Грожан     Хас          1:37.789 + 2.845   25
21. Паскал Верлајн   Манор        1:37.878 + 2.934   34
22. Естебан Окон     Манор        1:37.990 + 3.046   36

2014 Најбрзо време: Нико Розберг - Мерцедес АМГ - 1:39.909
2015 Најбрзо време: Луис Хамилтон - Мерцедес АМГ - 1:39.790

Во Рено успеаа да го запалат болидот на Магнусен...