Објаснувајќи го инцидентот, Ветел рече: "Се обидов да го престигнам Макс од внатрешната страна на првиот свиок. За жал, дојде до контакт со Нико, кој во тој момент не можеше да ме види, па тоа не е негова вина. Јас не можам да направам ништо повеќе, освен искрено да му се извинам, бидејќи тоа нема никаква врска со него и тоа беше последното нешто што тој го посакуваше. Секако дека не влегувам во првиот свиок со желба да завршам со скршена суспензија."
Што се однесува до коментарите на Ферстапен, дека Ветел е "луд" и "идиот", четирикратниот шампион, вели: "Во таа ситуација, при борба тркало до тркало во првиот свиок, мислам дека ја имавме истата точка на притискање на сопирачката. Значи, ако ништо друго имаше два идиоти во тој момент."
Сепак, на крајот, Розберг, ја плати најголемата цена, бидејќи од потенцијалниот победник отиде на последното место во тој момент. На крај финишираше на третото место.
"Очигледно беше дека Нико е напред и тој немаше никаква врска со битката зад себе и на крај излезе како еден од најголемите губитници."
