2016 БРАЗИЛ ГП: РЕЗУЛТАТИ И ВИДЕА ОД ПРВИОТ ТРЕНИНГ

Луис Хамилтон го забележа најбрзото време на првиот тренинг за Големата Награда на Бразил, која се одржува на патеката Хозе Карлос Пејс, Сао Пауло. Тој беше за една десетинка од секундата побрз од Ред Булот на Макс Ферстапен, со второ најбрзо време и за две десетинки од секундата од својот тимски колега, Нико Розберг на третата позиција од табелата.

Од тркачки аспект немаше нешто возбудливо на оваа прва сесија, која служи за запознавање на возачите со условите на патеката и вообичаено помина со болиди опремени со чудни сензори и "нормални" излетувања надвор од патеката и блокирање на тркалата. Болидот на Ферари оваа сезона е тврдоглав и никако не сака да остане на асфалтот, па Себастијан Ветел имаше мало извртување на патеката, но успеа да го исконтролира и да помине без никакви оштетувања.

Верувале или не, Луис Хамилтон, трикратниот и актуелен Ф1 Шампион, никогаш не победил во Бразил. Дали на ова трка тоа ќе му појде од рака?!? Од друга страна Нико Розберг може да ја обезбеди годинешната Шампионската Титула со трета последователна победа на Интерлагос, без разлика каде ќе се пласира Британецот.

Друг возач, кој очајно посакува силен викенд е локалниот херој, Фелипе Маса. На домашен терен тој има 2 Победи и 5 пласмани на Победничкиот подиум. Публиката секогаш го понесува да направи добри резултати, особено сега кога става крај на својата Ф1 кариера.

Времето во Бразил беше сончево, но метеоролозите најавуваат шанси за дождлив викенд. Вториот тренинг започнува во 17 часот по македонско време, на кој подобро ќе се забележи формата на возачите и нивните болиди.

2016 БРАЗИЛ ГП - ПРВ СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГА
 1. Луис Хамилтон    Мерцедес АМГ 1:11.895          32
 2. Макс Ферстапен   Ред Бул      1:11.991 + 0.096  29
 3. Нико Розберг     Мерцедес АМГ 1:12.125 + 0.230  26
 4. Даниел Рикиардо  Ред Бул      1:12.371 + 0.476  27
 5. Валтери Ботас    Вилијамс     1:13.129 + 1.234  36
 6. Серџо Перез      Форс Индија  1:13.289 + 1.394  31
 7. Нико Хулкенберг  Форс Индија  1:13.293 + 1.398  33
 8. Фелипе Маса      Вилијамс     1:13.318 + 1.423  33
 9. Себастијан Ветел Ферари       1:13.567 + 1.672  24
10. Кими Раиконен    Ферари       1:13.569 + 1.674  26
11. Карлос Саинц ЈР. Торо Росо    1:13.711 + 1.816  22
12. Данил Квјат      Торо Росо    1:14.090 + 2.195  15
13. Џенсон Батон     Мекларен     1:14.252 + 2.357  27
14. Фернандо Алонсо  Мекларен     1:14.296 + 2.401  26
15. Роман Грожан     Хас          1:14.507 + 2.612  25
16. Фелипе Наср      Заубер       1:14.631 + 2.736  21
17. Маркус Ериксон   Заубер       1:14.654 + 2.759  23
18. Естебан Окон     Манор        1:14.827 + 2.932  30
19. Џолион Палмер    Рено         1:14.908 + 3.015  32
20. Паскал Верјалн   Манор        1:14.948 + 3.053  32
21. Чарлс Леклерк    Хас          1:15.391 + 3.496  27
22. Сергеј Сироткин  Рено         1:15.800 + 3.905  10

2014 Нико Розберг - Мерцедес АМГ - 1:12.764
2015 Луис Хамилтон - Мерцедес АМГ - 1:13.543

Извртувањето на Себастјан Ветел...

Мерцедес АМГ со сензори...

Нико, дрифт во обид...