Валтери Ботас со Мерцедес АМГ го забележа најбрзото време на третиот ден од тестирањето во Барселона, но перформансите на Себастијан Ветел со Ферари SF70H на побавните гуми на Пирели го засенија Финецот. Ботас најдобриот круг во утринскиот дел од сесијата го постави на ултра-меките гуми, додека Германецот беше само 0.247 секунди побавен користејќи ги меките гуми во текот на попладневните часови. Неговиот ден заврши на 9 минути пред официјалниот крај на сесијата, кога Ферарито застана на стартно/целната рамнина, најверојатно без капка гориво во неговиот резервоар.
Денес, Луис Хамилтон ја имаше програмата на Ботас од вчера, т.е. во попладневниот дел имаше симулација на цела трка, користејќи ги медиум и меките гуми, со најдобро време доволно за седмата позиција на табелата. Британецот мораше во два наврати да влегува во боксот, поради црвените знамиња предизвикани од страна на Карлос Саинц ЈР. со Торо Росо, кој излета при 4-от свиок, за неколку минути подоцна, Ленс Строл повторно да го уништи болидот на Вилијамс. 18-годишниот Канаѓанец иако комплетираше 98 круга на патеката, веќе втор ден по ред пред време ја завршува нивната тест програма, овој пат удирајќи во бариерите поставени покрај 5-от свиок, оштетувајќи го предниот крајот на FW40.
Даниел Рикиардо со Ред Бул и Џолион Палмер со Рено, ги имаа третото и четврто најбрзо време, следени од Нико Хулкенберг кој го превзеде RS17 во попладневните часови од сесијата. Тоа донесе три болиди со Рено ПЕ во топ 10 пласманот, а аналитичарите покрај патеката мислат дека моторот на Рено не го користи својот целосен потенцијал. Во сите три болиди, Ред Бул, Торо Росо и Рено, тој е потивок и помирен од другите мотори, дури и тој на Хонда. Тоа сугерира дека има неискористена моќ од нивните погонски единици.
По неговиот проблематичен прв ден со Мекларен-Хонда MCL 32, во понеделникот, Фернандо Алонсо имаше порелаксирано возење, комплетирајќи 72 круга. Со новиот резервоар за масло и истрагата за механичките проблеми во текот на вчерашниот ден од Хонда се надеваат дека проблемите не се од сериозна природа и ветиле повеќе подобрувања за втората тест сесија во Барселона.
Во текот на денот Ф1 падокот имаше неочекувана посета од страна на Шампионот, Нико Розберг, кој го привлече вниманито на сите присутни на патеката. На пат кон неговиот дом тој го напиша следниот твит: "Cars look monstrous! Drivers will be gladiators! They will be on the limit physically! Great HYPE at the moment!"
РЕЗУЛТАТИ ОД ТРЕТИОТ ТЕСТ ДЕН
| П. | ВОЗАЧ | ТИМ | ВРЕМЕ | РАЗЛИКА |
| 1 | Валтери Ботас | Мерцедес АМГ | 1:19.705 | / (УМ, 75) |
| 2 | Себастијан Ветел | Ферари | 1:19.952 | + 0.247 (М,139) |
| 3 | Даниел Рикиардо | Ред Бул | 1:21.153 | + 1.448 (М,70) |
| 4 | Џолион Палмер | Рено | 1:21.369 | + 1.691 (М,51) |
| 5 | Нико Хулкенберг | Рено | 1:21.791 | + 2.086 (М,42) |
| 6 | Маркус Ериксон | Заубер | 1:21.824 | + 2.119 (СМ,126) |
| 7 | Луис Хамилтон | Мерцедес АМГ | 1:22.090 | + 2.385 (М,95) |
| 8 | Роман Грожан | Хас | 1:22.118 | + 2.415 (СМ,56) |
| 9 | Ленс Строл | Вилијамс | 1:22.351 | + 2.646 (М,98) |
| 10 | Фернандо Алонсо | Мекларен | 1:22.598 | + 2.893 (УМ,72) |
| 11 | Карлос Саинц ЈР. | Торо Росо | 1:23.540 | + 3.835 (Ме,32) |
| 12 | Алфонсо Целис | Форс Индија | 1:23.568 | + 3.863 (СМ,71) |
| 13 | Данил Квјат | Торо Росо | 1:23.952 | + 4.247 (Ме,31) |
УМ - Ултрамеки
СМ - Супермеки
М - Меки
Ме - Медиум
РЕЗУЛТАТИ ОД ВТОРИОТ ТЕСТ ДЕН
| П. | ВОЗАЧ | ТИМ | ВРЕМЕ | РАЗЛИКА |
| 1 | Кими Раиконен | Ферари | 1:20.960 | / (М, 108) |
| 2 | Луис Хамилтон | Мерцедес АМГ | 1:20.983 | + 0.023 (СМ,66) |
| 3 | Макс Ферстапен | Ред Бул | 1:22.200 | + 1.240 (М,89) |
| 4 | Кевин Магнусен | Хас | 1:22.204 | + 1.244 (СМ,118) |
| 5 | Естебан Окон | Форс Индија | 1:22.509 | + 1.549 (СМ,86) |
| 6 | Данил Квјат | Торо Росо | 1:22.956 | + 1.996 (М,68) |
| 7 | Валтери Ботас | Мерцедес АМГ | 1:22.986 | + 2.026 (М,100) |
| 8 | Џолион Палмер | Рено | 1:24.139 | + 3.179 (М,53) |
| 9 | Антонио Џовинаци | Заубер | 1:24.617 | + 3.657 (М,65) |
| 10 | Штофел Вандорн | Мекларен | 1:25.600 | + 4.640 (М,40) |
| 11 | Ленс Строл | Вилијамс | 1:26.040 | + 5.080 (Ме,12) |
УМ - Ултрамеки
СМ - Супермеки
М - Меки
Ме - Медиум
РЕЗУЛТАТИ ОД ПРВИОТ ТЕСТ ДЕН
| П. | ВОЗАЧ | ТИМ | ВРЕМЕ | РАЗЛИКА |
| 1 | Луис Хамилтон | Мерцедес АМГ | 1:21.765 | / (М, 73) |
| 2 | Себастијан Ветел | Ферари | 1:21.878 | + 0.115 (Ме,128) |
| 3 | Фелипе Маса | Вилијамс | 1:22.076 | + 0.311 (Ме,103) |
| 4 | Кевин Магнусен | Хас | 1:22.894 | + 1.129 (М,51) |
| 5 | Даниел Рикиардо | Ред Бул | 1:22.926 | + 1.161 (М,50) |
| 6 | Валтери Ботас | Мерцедес АМГ | 1:23.169 | + 1.404 (М,79) |
| 7 | Серџо Перез | Форс Индија | 1:23.709 | + 1.944 (М,39) |
| 8 | Карлос Саинц ЈР. | Торо Росо | 1:24.494 | + 2.729 (Ме,51) |
| 9 | Нико Хулкенберг | Рено | 1:24.784 | + 3.019 (Мe,57) |
| 10 | Фернандо Алонсо | Мекларен | 1:24.852 | + 3.087 (М,29) |
| 11 | Маркус Ериксон | Заубер | 1:26.841 | + 5.076 (Ме,72) |
УМ - Ултрамеки
СМ - Супермеки
М - Меки
Ме - Медиум
КАКО РЕФЕРЕНЦА, ЗБИРНИ РЕЗУЛТАТИ ОД МИНАТОГОДИШНАТА ПРВА ТЕСТ СЕСИЈА
| П. | ВОЗАЧ | ТИМ | ВРЕМЕ | РАЗЛИКА |
| 1 | Себастијан Ветел | Ферари | 1:22.810 | / (195) УМ |
| 2 | Нико Хулкенберг | Форс Индија | 1:23.110 | + 0.300 (99) СМ |
| 3 | Кими Раиконен | Ферари | 1:23.447 | + 0.667 (158) УМ |
| 4 | Даниел Рикиардо | Ред Бул | 1:23.525 | + 0.715 (199) УМ |
| 5 | Серџо Перез | Форс Индија | 1:23.650 | + 0.840 (101) СМ |
| 6 | Данил Квјат | Ред Бул | 1:24.293 | + 1.483 (170) УМ |
| 7 | Алфонсо Селис | Форс Индија | 1:24.840 | + 2.030 (133) СМ |
| 8 | Нико Розберг | Мерцедес АМГ | 1:24.867 | + 2.057 (332) Ме |
| 9 | Маркус Ериксон | Заубер | 1:25.237 | + 2.427 (196) М |
| 10 | Кевин Магнусен | Рено | 1:25.263 | + 2.453 (264) М |
| 11 | Макс Ферстапен | Торо Росо | 1:25.393 | + 2.583 (231) Ме |
| 12 | Луис Хамилтон | Мерцедес АМГ | 1:25.409 | + 2.599 (343) Ме |
| 13 | Естебан Гутиерез | Хас | 1:25.524 | + 2.714 (168) М |
| 14 | Валтери Ботас | Вилијамс | 1:25.648 | + 2.838 (214) М |
| 15 | Роман Грожан | Хас | 1:25.874 | + 3.064 (113) М |
| 16 | Паскал Верлајн | Манор | 1:25.925 | + 3.115 (125) М |
| 17 | Фелипе Наср | Заубер | 1:26.053 | + 3.243 (236) М |
| 18 | Фернандо Алонсо | Мекларен | 1:26.082 | + 3.272 (122) М |
| 19 | Џолион Палмер | Рено | 1:26.189 | + 3.379 (79) М |
| 20 | Карлос Саинц ЈР | Торо Росо | 1:26.239 | + 3.429 (216) Ме |
| 21 | Фелипе Маса | Вилијамс | 1:26.483 | + 3.673 (163) М |
| 22 | Џенсон Батон | Мекларен | 1:26.735 | + 3.925 (135) М |
| 23 | Рио Харјанто | Манор | 1:28.249 | + 5.439 (129) М |
УМ - Ултрамеки
СМ - Супермеки
М - Меки
Ме - Медиум
