КОЈ БОЛИД Е НАЈБРЗ, АНАЛИЗА НА ТЕСТ СЕСИИТЕ ВО БАРСЕЛОНА

Дали е возможно ова да биде глетката што возачите на Мерцедес АМГ ќе ја гледаат оваа сезона?

Двете пред-сезонски тест сесии со кои започна 2017 Формула 1 Шампионатот се позади нас, тимовите напорно работеа на своите тест програми, некои успешно, некои помалку успешно. За да се извлече некој добар заклучок за тоа како се распоредени силите на 2017 болидите, мораше да се биде присутен во Барселона. Со следење само на забележаните времиња можеби може да се донесе општа слика, но финесите ни кажуваат кој е од кој побрз, кога имаме болиди со слични перформанси.

Помошта ја бараме кај одреден број на новинари присутни во падокот на патеката Каталуња и кои имаат свои извори во самите тимови. Е сега и тие самите влечат кон тимот за кој имаат поголеми симпатии, Италијанците кон Ферари, Англичаните кон Хамилтон и Мерцедес АМГ, Германците некако се најнеутрални, освен кога се зборува за Ветел. Како и да е, ние ви ги пренесуваме нашите импресии потпомогнати со согледувањата на сите овие новинари од лице место.

Најнапред да ја разгледаме издржливоста на болидите, категорија во која Мерцедес АМГ е убедливо на врвот, ништо ново од минатата година, тоа е тимот кој помина најмногу километри на 8-те тест дена. Сите тимови кои ја користат Мерцедес ПЕ нема за што да се нервираат, нема да имаат поголеми проблеми од таа страна.

Напредувавме, но Мерцедес АМГ е тимот што треба да се победи!!!

Следен на листата е болидот на Ферари. Според сите корисници на Ферари ПЕ, таа е вистински погодок во вистински правец, не дека и минатогодишната многу заостануваше по прашање на издржливост, што се гледа и по бројот на комплетирани круга од страна на болидите на Заубер. Сепак, Швајцарскиот тим има финален производ на почетокот на сезоната, нема повеќе развој. Сите останати ќе имаат развој на своите ПЕ во текот на годината.

Ова ниво на издржливот го нема кај болидите придвижувани од Рено ПЕ, а особено кај Мекларен и Хонда ПЕ. До некаде можеме да ги разбереме поради комплетно новиот дизајн на истите, но сепак тоа беше направено да бидат поиздржливи, а не уште повеќе да се расипуваат.

ВКУПНО КОМПЛЕТИРАНИ КРУГА ПО ТИМ

П.	ТИМ	КРУГА
1.	Мерцедес АМГ	1096
2.	Ферари	956
3.	Вилијамс	800
4.	Заубер	788
5.	Форс Индија	785
6.	Хас	715
7.	Ред Бул	684
8.	Рено	597
9.	Торо Росо	584
10.	Мекларен	425

Издржливоста носи поени, но перформансите носат Победи. Ако ги гледаме забележаните времиња, работите изгледаат добро за Ферари (дежа ву од мината година) во поглед на чиста брзина.

КОМБИНИРАНИ РЕЗУЛТАТИ ПРВА+ВТОРА ТЕСТ СЕСИЈА

П.	ВОЗАЧ	К.	ТИМ	ВРЕМЕ	РАЗЛИКА
1	Кими Раиконен	365	Ферари	1:18.634	/ (СМ)
2	Себастијан Ветел	591	Ферари	1:19.024	+ 0.390 (УМ)
3	Валтери Ботас	628	Мерцедес АМГ	1:19.310	+ 0.676 (СМ)
4	Луис Хамилтон	468	Мерцедес АМГ	1:19.352	+ 0.718 (УМ)
5	Фелипе Маса	414	Вилијамс	1:19.420	+ 0.786 (УМ)
6	Макс Ферстапен	374	Ред Бул	1:19.438	+ 0.804 (СМ)
7	Карлос Саинц ЈР.	307	Торо Росо	1:19.837	+ 1.203(УМ)
8	Нико Хулкенберг	314	Рено	1:19.885	+ 1.251 (УМ)
9	Даниел Рикиардо	337	Ред Бул	1:19.900	+ 1.266 (УМ)
10	Серџо Перез	349	Форс Индија	1:20.116	+ 1.482 (УМ)
11	Естебан Окон	365	Форс Индија	1:20.161	+ 1.527 (УМ)
12	Џолион Палмер	283	Рено	1:20.205	+ 1.571 (УМ)
13	Ленс Строл	386	Вилијамс	1:20.335	+ 1.701 (УМ)
14	Данил Квјат	277	Торо Росо	1:20.416	+ 1.782 (СМ)
15	Кевин Магнусен	369	Хас	1:20.504	+ 1.870 (УМ)
16	Роман Грожан	341	Хас	1:21.110	+ 2.476 (УМ)
17	Штофел Вандорн	235	Мекларен	1:21.348	+ 2.714 (УМ)
18	Фернандо Алонсо	190	Мекларен	1:21.389	+ 2.755 (УМ)
19	Маркус Ериксон	445	Заубер	1:21.670	+ 3.036 (СМ)
20	Антонио Џовинаци	151	Заубер	1:22.401	+ 3.767 (УМ)
21	Паскал Верлајн	192	Заубер	1:22.418	+ 3.784 (М)
22	Алфонсо Селис	71	Форс Индија	1:23.568	+ 4.934 (СМ)

УМ - Ултрамеки СМ - Супермеки М - Меки Ме - Медиум

Сепак, ако ги земеме за точни шпекулациите дека Мерцедес АМГ, изминатите сезони тоа им беше традиција, вози со повеќе гориво од Ферари за време на тестирањето, тоа најверојатно ќе значи дека Мерцедес АМГ е најмалку еднаков на Ферари, но поверојатно е дека имаат резерва од две-три десетинки од секундата. Ќе биде чудо ако Ферари има толку голем напредок за сериозна борба со Мерцедес веднаш од првата трка, но наше право е да очекуваме чуда!!!

Секако сите овие анализи се релативни, но ние типуваме дека Мерцедес АМГ ќе има најмногу пласмани на Победничкото скалило, додека Ферари и Ред Бул, се тимовите кои најчесто ќе им прават друштво на Победничкиот Подиум за оваа 2017 сезона.

Ферари изгледаат добро, но со нетрпение ја очекувам првата трка!!!

Пред почетокот на тест сесиите, сите надежи беа свртени кон тимот на Ред Бул и Адриан Њуи, кои се веруваше дека можат да бидат сериозни конкуренти на Сребрените стрели, но во овој момент тешко е да се процени каде се наоѓа овој тим во однос на врвните два тима.

Ред Бул заостануваше малку зад Вилијамс во поглед на чиста брзина на втората тест сесија, но тие мораа да ја користат Рено ПЕ со намалена моќност, како би осигурале заштита на кревкиот ЕРС-систем, но сите прогнозираат дека тие се третиот најбрз тим во реалноста. И повторно сите шпекулираат за нивни екстра перформанси во Мелбурн, каде тимот ќе го претстави првиот пакет на надградби на основната верзија на RB13 болидот.

Според повеќето аналитичари во падокот по овие три тима следуваат тимовите кои ќе се борат за пласман за средината од табелите. Нивното заостанување зад топ 3 тимовите е околу 1.5 секунди, и најверојатно ќе ги предводи тимот на Вилијамс.

За жал, тука нема место за Заубер и Мекларен, тим кој претрпе целосна катастрофа со новата Хонда ПЕ, која во овој момент произведува помалку КС од таа што ја развиваа до крајот од минатата сезона. Се проценува дека завршиле само 30% од планираната тест програма и ги очекува борба со тимот на Заубер за избегнување на последниот стартен ред на првата трка.

Како можев на иста финта да се излажам по втор пат?!?

Со промената на регулатива за оваа година, се промени и филозофијата на Пирели, кои сега се задолжени да произведат гуми што ќе траат повеќе и ќе им овозможуваат на возачите повеќе да притискаат. Ова предизвика многу шпекулации дека ќе имаме трки со само еден пит-стоп, но по втората тест сесија инженерите на Италијанскиот производител се убедени дека теоретски пресметаната деградација ќе биде во рамки на очекуваното. Нивната цел била да гледаме пад на перформансите од 2 секунди на секои 10 круга, додека тековните индикации укажуваат на пад од 1,5 секунди.