"Мислам дека ние од почетокот на трката размислувавме дека имаме добро темпо и дека може да се обидеме да стигнеме до Победата. Првично нашата стратегија беше да бидеме први што ќе влезат во бокс, да се обидеме да го добиеме Хамилтон, но тој изненади со многу раната посета на своите механичари. Од тој момент ние отидовме на тактика да се задржиме што подолго на патеката како би можеле да го нападнеме на крајот. Но, тогаш Хамилтон заглави зад Ферстапен и Победата сама си дојде во наши раце."
"Ова чувство е прекрасно, едноставно прекрасно, тоа ни донесе голема самодоверба за нашата напорна работа. Ова е толку силна страст. Тоа е она за што сите работиме напорно. Не само овие луѓе овде, туку и сите во Маранело. Во следните две недели, се до Кинеското ГП, каде ќе започнеме нова трка, ние ќе уживаме во овој момент и ќе излеземе уште посилни."
"Редно беше. Мило ми е за тимот и за нашите тифози кои беа со нас во текот на целиот овој период. Ние сите чекавме за оваа победа речиси една година и половина. Слушањето на Италијанската химна беше многу емоционално. Себастијан имаше одлична трка и јас сум сигурен дека Кими наскоро ќе биде на негово ниво и заедно ќе се борат за Победите."
"Се разбира, оваа победа е нешто што треба да се сподели со целиот тим, и на патеката и во Маранело, затоа што тимската работа е единствениот начин да се постигнат големи цели. Сепак, сега од апсолутно суштинско значење е да се запамети дека ова не е целна дестинација, туку само првиот чекор од долг пат што треба да се помине. Сите ние, секој ден, сме фокусирани на подобрување на нашиот болид."
