КРАТКА АНАЛИЗА НА ПРВАТА ТЕСТ СЕСИЈА

Првата пред сезонска тест сесија од 2017 сезоната во Формула 1 Шампионатот заврши, па да се обидеме да дадеме некоја анализа на перформансите на тимовите и што би требало да очекуваме од втората тест сесија која започнува за два дена, вторник, 7 Март, повторно на истата патека. Мора да напоменеме дека не може да се биде сигурен во ништо, бидејќи многу варијабли како ниво на гориво, мапирањето на ПЕ, криење на своите адути, (особено ова последното, се разбира ако има нешто за криење) се непознати.

Актуелниот шампион Мерцедес АМГ повторно испрати многу силна слика за издржливоста на својот болид. W08, немаше ниту еден проблем во текот на четирите тест дена, поминувајќи 558 круга или 2597 км., но од нив тоа и се очекуваше. Според присутните аналитичари на патеката за нивниот болид единствена мана, ако може да се нарече така, е недоволната негова стабилност на медиум компонентата на Пирели. Сите проценки одат во насоката дека тоа е најбрзиот болид на гридот.

Најголемото изненадување е болидот на Ферари. По шпекулациите кои доаѓаа од нивната база во Маранело, никој не очекуваше дека SF70H ќе биде најстабилниот болид на асфалтот, без разлика на која смеша на Пирели гумите е во моментот. Тоа е болидот кој имаше најдобар баланс на изминатата сесија. Други тимови укажуваат дека Италијанците имале многу малку гориво во резервоарот, што за последица имаше поставување на брзи времиња и на потврдата смеша.

Ако тоа е вистина би било глупаво од нивна страна, бидејќи сезоната само што не започнала, па подобро е проблемите сега да излезат на виделина, наместо да се камуфлираат. Втората сесија ќе ни даде помош околу тоа прашање, дали Ферари е навистина брз како што се претпоставува и дека ќе може да го предизвика Мерцедесот.

Хонда направи големи напори за подобрување на својата ПЕ од минатата сезона, но почетокот беше во истиот стил. Фрустацијата дека целиот пакет не е она вистинското што треба да биде сеуште постои во овој тим. Значи проблемот не е само Хонда, т.е. многу добра шасија е изневерена од ПЕ, во прашање е целосниот пакет. Мекларен и Хонда имаат многу напорна работа ако сакаат да се направи нешто повеќе.

Тестот помина незабележително за тимовите кои во своите болиди ја користат Рено ПЕ. Рено без сомнение има постигнато напредок од минатата година, но има место за уште поголем напредок. Значи има простор за оптимизација. Основите се на вистинското место и со добар развој на работите, секако ќе им донесе пласман меѓу врвот. Секако најсилен пакет има тимот на Ред Бул, а веднаш зад се Рено, додека Торо Росо ги чека многу повеќе работа. Ако не друго нивниот болидот STR12 во Барселона и според мнозинството фанови од целиот свет едногласно е избран за најубавиот болид за оваа сезона.

Вилијамс имаше лоша тест сесија. Освен првиот ден со Фелипе Маса кога се беше ОК, останатите денови беа упропастени од страна на дебитантот Ленс Строл, кој наместо да тестира се учеше да вози Ф1 болид. Не дека младиот возач не е способен, но по се изгледа пребрзо му се даде шанса да влезе во овој спорт и тоа директно во тим кој предендира да речеме за 4-тото место во поредокот на конструктори

Заубер е најмалиот и најсиромашниот тим, па оваа сезона и сите наредни примарна цел е нивниот опстанок. Со минатогодишната Ферари ПЕ, ќе го чека борба за избегнување на последното место на табелите. Останатите тимови што не ги споменавме не се истакнаа со нешто, се вклопија во просечноста, па со тоа и очекуваме просечни резултати за средината/крајот на поредокот.

На ред е втората пред сезонска тест сесија од 7-10 Март, каде ќе добиеме појасна слика за перформансите на тимовите пред почетокот на сезоната на 26 Март со трката за Големата Награда на Австралија!!!

ЗБИРНИ РЕЗУЛТАТИ ОД ПРВАТA ТЕСТ СЕСИЈА

П.	ВОЗАЧ	ТИМ	ВРЕМЕ	РАЗЛИКА
1	Валтери Ботас	Мерцедес АМГ	1:19.705	/ (УМ)
2	Себастијан Ветел	Ферари	1:19.952	+ 0.247 (М)
3	Кими Раиконен	Ферари	1:20.872	+ 1.167 (М)
4	Луис Хамилтон	Мерцедес АМГ	1:20.983	+ 1.278 (СМ)
5	Даниел Рикиардо	Ред Бул	1:21.153	+ 1.448 (М)
6	Џолион Палмер	Рено	1:21.369	+ 1.664 (М)
7	Макс Ферстапен	Ред Бул	1:21.769	+ 2.064 (М)
8	Нико Хулкенберг	Рено	1:21.791	+ 2.086 (М)
9	Маркус Ериксон	Заубер	1:21.824	+ 2.119 (СМ)
10	Фелипе Маса	Вилијамс	1:22.076	+ 2.371 (Ме)
11	Роман Грожан	Хас	1:22.118	+ 2.415 (СМ)
12	Кевин Магнусен	Хас	1:22.204	+ 2.499 (СМ)
13	Ленс Строл	Вилијамс	1:22.351	+ 2.646 (М)
14	Антонио Џовинаци	Заубер	1:22.401	+ 2.696 (УМ)
15	Естебан Окон	Форс Индија	1:22.509	+ 2.804 (СМ)
16	Серџо Перез	Форс Индија	1:22.534	+ 2.829 (СМ)
17	Штофел Вандорн	Мекларен	1:22.576	+ 2.871 (УМ)
18	Фернандо Алонсо	Мекларен	1:22.598	+ 2.893 (УМ)
19	Данил Квјат	Торо Росо	1:22.956	+ 3.251 (М)
20	Карлос Саинц ЈР.	Торо Росо	1:23.540	+ 3.835 (Ме)
21	Алфонсо Селис	Форс Индија	1:23.568	+ 3.863 (СМ)

УМ - Ултрамеки СМ - Супермеки М - Меки Ме - Медиум

КОМПЛЕТИРАНИ КРУГА И ПОМИНАТИ КМ ПО ВОЗАЧ

П.	ВОЗАЧ	ТИМ	КРУГА	КМ
1	Валтери Ботас	Мерцедес АМГ	324	1508
2	Себастијан Ветел	Ферари	267	1242
3	Луис Хамилтон	Мерцедес АМГ	234	1089
4	Кими Раиконен	Ферари	201	935
5	Маркус Ериксон	Заубер	198	921
6	Макс Ферстапен	Ред Бул	174	809
7	Роман Грожан	Хас	174	809
8	Кевин Магнусен	Хас	169	786
9	Антонио Џовинаци	Заубер	151	702
10	Нико Хулкенберг	Рено	150	698
11	Џолион Палмер	Рено	143	665
12	Серџо Перез	Форс Индија	121	563
13	Даниел Рикиардо	Ред Бул	120	558
14	Ленс Строл	Вилијамс	110	512
15	Штофел Вандорн	Мекларен	107	498
16	Фелипе Маса	Вилијамс	103	479
17	Фернандо Алонсо	Мекларен	101	470
18	Данил Квјат	Торо Росо	100	465
19	Естебан Окон	Форс Индија	86	400
20	Карлос Саинц ЈР.	Торо Росо	83	386
21	Алфонсо Селис	Форс Индија	71	+330

УМ - Ултрамеки СМ - Супермеки М - Меки Ме - Медиум

КОМПЛЕТИРАНИ КРУГА И ПОМИНАТИ КМ ПО ТИМ

П.	ТИМ	КРУГА	КМ
1	Мерцедес АМГ	558	2597
2	Ферари	468	2178
3	Ред Бул	349	1624
4	Хас	343	1596
5	Заубер	294	1368
6	Рено	293	1363
7	Форс Индија	278	1294
8	Вилијамс	215	991
9	Мекларен	208	968
10	Торо Росо	183	851

УМ - Ултрамеки СМ - Супермеки М - Меки Ме - Медиум