2017 БАХРЕИН ГП: ВЕТЕЛ СО НАЈБРЗОТО ВРЕМЕ, КИМИ ПОСЛЕДЕН

Себастијан Ветел го забележа најбрзото време на првиот слободен тренинг за Големата Награда на Бахреин. Ф1 тимовите некако премногу лежерно се однесуваа, па така имаме многу "чудни" времиња и распоред на табелата, особено на болидите на сребрените стрели. Сепак, оваа прва тренинг сесија нема некоја поголема вредност во подесувањето на болидот, бидејќи квалификациите и трката се одржуваат на зајдисонце, кога имаме целосно различни тркачки услови

Лидерот во шампионатот, Себастијан Ветел лесно стигна до најбрзото време, но неговиот тимски колега, Кими Раиконен, успеа да комплетира само шест круга пред да откаже неговиот SF70-H поради прегревање во пределот на турбо полначот. Ништо невообичаено на температури во близина на 40-от степен Целзиусов. Даниел Рикиардо и Макс Ферстапен го имаа второто и трето најбрзо време со болидите на Ред Бул.

Вториот лидер во шампионатот на возачи, Луис Хамилтон, заврши со 10-то најбрзо време, додека Валтери Ботас беше 14-ти. Сепак, возачите на Мерцедес АМГ се решија своите најбрзи круга на меките гуми да ги забележат на почетокот од сесијата, време кога асфралтот на патеката Сахир беше со најмала количина на гума, а со тоа и премногу лизгав.

2017 БАХРЕИН ГП - ПРВ ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГА
 1. Себастијан Ветел Ферари       1:32.697          21
 2. Даниел Рикиардо  Ред Бул      1:33.097 + 0.400  22
 3. Макс Ферстапен   Ред Бул      1:33.566 + 0.869  23
 4. Серџо Перез      Форс Индија  1:34.095 + 1.398  22
 5. Фелипе Маса      Вилијамс     1:34.246 + 1.549  24
 6. Ленс Строл       Вилијамс     1:34.322 + 1.625  25
 7. Естебан Окон     Форс Индија  1:34.332 + 1.635  23
 8. Фернандо Алонсо  Мекларен     1:34.372 + 1.675  14
 9. Роман Грожан     Хас          1:34.564 + 1.867  21
10. Луис Хамилтон    Мерцедес АМГ 1:34.636 + 1.939  28
11. Данил Квјат      Торо Росо    1:34.838 + 2.141  13
12. Нико Хулкенберг  Рено         1:34.927 + 2.230  13
13. Штофел Вандрон   Мекларен     1:34.997 + 2.300  10
14. Валтери Ботас    Мерцедес АМГ 1:35.002 + 2.305  27
15. Џолион Палмер    Рено         1:35.068 + 2.371  19
16. Кевин Магнусен   Хас          1:35.579 + 2.882  21
17. Маркус Ериксон   Заубер       1:35.888 + 3.191  23
18. Паскал Верлајн   Заубер       1:35.959 + 3.262  22
19. Карлос Саинц ЈР. Торо Росо    1:36.079 + 3.382  16
20. Кими Раиконен    Ферари       1:42.333 + 9.636   6

2014 Луис Хамилтон - Мерцедес АМГ - 1:37.502
2015 Кими Раиконен - Ферари - 1:37.827
2016 Нико Розберг - Мерцедес АМГ - 1:32.294
2017 Себастијан Ветел - Ферари - 1:32.697

Ферарито на Кими откажа послушност...

Кими на прошетка низ пустината...

Откажаа сопирачките на Маса...

Рикиардо кулира на жешкото време...