2017 БАХРЕИН ГП: ФЕРАРИ СО НАЈБРЗОТО ВРЕМЕ НА ДЕНЕШНИТЕ ТРЕНИНГ СЕСИИ

Себастијан Ветел го забележа најбрзото време и на втората тренинг сесија, воедно забележувајќи го најдоброто време на денот. Германецот со помош на супер-меките гуми на Пирели, беше за 0.041 делови од секундата побрз од Валтери Ботас. Негоиот тимски колега, Луис Хамилтон, беше за 0.284 секунди побавен од најбрзо време, но неговиот брз круг беше компромитиран од страна на Нико Хулкенберг, инцидент кој е на разгледување од страна на стјуардите. Даниел Рикиардо од Ред Бул е изненадувањето на денот, позиционирајќи се на третата позиција, најавувајќи дека би можеле да бидат сериозен противник на најбрзите два тима.

Себастијан Ветел непосредно пред да започне долгиот стинт за симулација на трката, имаше застрашувачки момент кога неговиот болид имаше "комплетно исклучување" и застана на патеката. Според инженерите на Ферари неговата брза и исправна реакција,(ставање на менувачот во лер) му овозможи некако да се врати до својата гаража, каде што дефектот со електрониката беше поправен, па тој можеше да ја комплетира симулацијата на трка како што претходно е планирана.

Кими Раиконен по проблемите на утринската сесија и замената на ПЕ во неговиот болид, имаше добар настап со комплетирани 34 круга и четвртото најбрзо време. Тој заврши пред Мерцедесот на Луис Хамилтон, кој не успеа да забележи репрезентативно време на супер-меките гуми на Пирели. Во најбрзите десет возачи беа уште и Фелипе Маса, Макс Ферстапен, Роман Грожан и Данил Квјат. Утрешните Квалификации се закажани за 17:00 часот по македонско време.

2017 БАХРЕИН ГП - ВТОР ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГА
 1. Себастијан Ветел Ферари       1:31.310          29
 2. Валтери Ботас    Мерцедес АМГ 1:31.351 + 0.041  35
 3. Даниел Рикиардо  Ред Бул      1:31.376 + 0.067  28
 4. Кими Раиконен    Ферари       1:31.478 + 0.168  34
 5. Луис Хамилтон    Мерцедес АМГ 1:31.594 + 0.284  35
 6. Нико Хулкенберг  Рено         1:31.883 + 0.573  37
 7. Фелипе Маса      Вилијамс     1:32.079 + 0.769  37
 8. Макс Ферстапен   Ред Бул      1:32.245 + 0.935  18
 9. Роман Грожан     Хас          1:32.505 + 1.195  34
10. Данил Квјат      Торо Росо    1:32.707 + 1.397  35
11. Кевин Магнусен   Хас          1:32.854 + 1.544  33
12. Естебан Окон     Форс Индија  1:32.875 + 1.565  38
13. Џолион Палмер    Рено         1:32.876 + 1.566  38
14. Фернандо Алонсо  Мекларен     1:32.897 + 1.587  31
15. Серџо Перез      Форс Индија  1:33.319 + 2.009  34
16. Ленс Строл       Вилијамс     1:33.361 + 2.051  36
17. Маркус Ериксон   Заубер       1:33.944 + 2.634  34
18. Карлос Саинц ЈР. Торо Росо    1:34.072 + 2.762   5
19. Паскал Верлајн   Заубер       1:34.117 + 2.807  29
20. Штофел Вандрон   Мекларен     1:34.230 + 2.920   8

2014 Луис Хамилтон - Мерцедес АМГ - 1:34.325
2015 Нико Розберг - Мерцедес АМГ - 1:34.647
2016 Нико Розберг - Мерцедес АМГ - 1:31.001
2017 Себастијан Ветел - Ферари - 1:31.310

Complete shutdown...

Отпадна T-крилото од болидот на Ботас...

Хамилтон незадоволен од бавните возачи...