2017 КАНАДА ГП: МЕРЦЕДЕС АМГ И ФЕРАРИ БЕЗ КОНКУРЕНЦИЈА

Луис Хамилтон го забележа најбрзото време на првиот тренинг за Големата Награда на Канада, потврдувајќи ги статистичките податоци дека оваа патека му одговара во целост на неговиот стил на возење. Повеќето возачи не се чувствуваа баш најпријатно на оваа прва сесија, жалејќи се на недостаток од грип, но за тоа е потребно време и гумирање на асфалтот. Меѓу нив беа и возачите на Ферари, и Ветел и Кими имаа извртувања на асфалтот, но Германецот барем успеа да биде побрз од Ботас во вториот болид на Мерцедес АМГ. Кими го имаше 4-тото нејбрзо време со заостанување од четири десетинки од секундата зад најбрзото.

Другите тимови предводени од болидите на Форс Индија, со Серџо Перез пред Естебан Окон, немаа поголеми шанси да ја загрозат водечката четворка. Двајцата сонародници Саинц ЈР. и Алонсо, немаа успешна сесија, Хонда ПЕ во болидот на вториот откажа при крајот, додека Рено ПЕ во болидот на Торо Росо откажа уште во првиот инсталациски круг.

Секако ова е патека каде првиот тренинг може да даде многу погрешни индикации за формата на тимовите, со оглед на фактот што драстично ги менува своите карактеристики кога таа ќе се "гумира". Од друга страна тоа носи дополнителен притисок на возачите да имаат добар втор тренинг, кој започнува во 20:00 часот по македонско време, интервал кога ќе се одржува и самата трка во недела.

2017 КАНАДА ГП - ПРВ СЛОБОДЕН ТРЕНИНГ

 П.     ВОЗАЧ          ТИМ         ВРЕМЕ   РАЗЛИКА КРУГA
 1. Луис Хамилтон    Мерцедес АМГ 1:13.809          36
 2. Себастијан Ветел Ферари       1:14.007 + 0.198  28
 3. Валтери Ботас    Мерцедес АМГ 1:14.046 + 0.237  21
 4. Кими Раиконен    Ферари       1:14.230 + 0.421  28
 5. Серџо Перез      Форс Индија  1:14.578 + 0.769  34
 6. Естебан Окон     Форс Индија  1:14.785 + 0.976  35
 7. Макс Ферстапен   Ред Бул      1:14.861 + 1.052  19
 8. Фелипе Маса      Вилијамс     1:15.106 + 1.297  31
 9. Данил Квјат      Торо Росо    1:15.441 + 1.632  23
10. Даниел Рикиардо  Ред Бул      1:15.658 + 1.849  26
11. Штофел Вандорн   Мекларен     1:15.943 + 2.134  29
12. Кевин Магнусен   Хас          1:16.233 + 2.424  25
13. Ленс Строл       Вилијамс     1:16.315 + 2.504  36
14. Роман Грожан     Хас          1:16.345 + 2.536  18
15. Нико Хулкенберг  Рено         1:16.473 + 2.664  27
16. Фернандо Алонсо  Мекларен     1:16.521 + 2.712  14
17. Маркус Ериксон   Заубер       1:16.805 + 2.996  24
18. Џолион Палмер    Рено         1:17.004 + 3.195  26
19. Паскал Верлајн   Заубер       1:17.606 + 3.797  28
20. Карлос Саинц ЈР. Торо Росо    без забележано време

2014 Фернандо Алонсо - Ферари - 1:17.238
2015 Луис Хамилтон - Мерцедес АМГ - 1:16.212
2016 Луис Хамилтон - Мерцедес АМГ - 1:14.755
2016 Луис Хамилтон - Мерцедес АМГ - 1:13.809

Хамилтон VS Магнусен...

Естебан Окон извртување...

Кими Раиконен извртување...

Себастијан Ветел извртување...

Нико Хулкенберг извртување...

Алонсо аут...

Ферстапен со проблеми при кочење...