2017 АЗЕРБЕЈЏАН ГП: РЕД БУЛ УБЕДЛИВО НАЈБРЗ НА ПРЕТПЛАДНЕВНИОТ ТРЕНИНГ

По подолго време 1-2 тренинг сесија за болидите на Ред Бул, Макс Ферстапен со најбрзото време и половина секунда предност пред тимскиот колега, Даниел Рикиардо и болидот на Ферари со Себастијан Ветел. Останатите возачи имаа заостанување поголемо од една секунда, несвојствено особено за Луис Хамилтон и Валтери Ботас т.е. болидите на Мерцедес АМГ.

Ферари не се реши да вози на помеката смеша, па би требало да се очекува многу повеќе од нив. Од друга страна, она што паѓаше во очи на овој тренинг е што двајцата возачи на Италијанскиот тим имаа проблеми да останат на тркачката линија и имаа многу излетувања и промашени свиоци. Доколку не го подобрат балансот на нивниот болид, т.е. стабилноста при сопирање, ги очекува многу тежок викенд.

Во Мерцедес АМГ ги употребија супер-меките гуми на Пирели, но нивните времиња не се подобрија. Сепак, тоа беа моментите пред единственото црвено знаме по инцидентот на Серџо Перез.

Секако, да повториме, условите на првите тренинг сесии не се нити блиски со условите при Квалификациите и Трката, па затоа ќе почекаме на попладневниот тренинг, кој започнува во 15:00 часот, кога се очекува потопло време и порепрезентативни услови на Баку уличната патека.

2017 АЗЕРБЕЈЏАН ГП - ПРВ СЛОБОДЕН ТРЕНИНГ

 П.     ВОЗАЧ          ТИМ         ВРЕМЕ   РАЗЛИКА КРУГA
 1. Макс Ферстапен   Ред Бул      1:44.410          19
 2. Даниел Рикиардо  Ред Бул      1:44.880 + 0.470  22
 3. Себастијан Ветел Ферари       1:44.967 + 0.557  20
 4. Серџо Перез      Форс Индија  1:45.398 + 0.988  16
 5. Луис Хамилтон    Мерцедес АМГ 1:45.497 + 1.087  16
 6. Валтери Ботас    Мерцедес АМГ 1:45.737 + 1.327  19
 7. Естебан Окон     Форс Индија  1:45.752 + 1.342  24
 8. Фелипе Маса      Вилијамс     1:45.968 + 1.558  25
 9. Кими Раиконен    Ферари       1:46.000 + 1.590  18
10. Данил Квјат      Торо Росо    1:46.617 + 2.207  11
11. Ленс Строл       Вилијамс     1:46.649 + 2.239  28
12. Кевин Магнусен   Хас          1:46.721 + 2.311  23
13. Роман Грожан     Хас          1:46.837 + 2.427  22
14. Нико Хулкенберг  Рено         1:47.217 + 2.807  21
15. Штофел Вандорн   Мекларен     1:47.446 + 3.036  22
16. Карлос Саинц ЈР. Торо Росо    1:47.501 + 3.091  13
17. Фернандо Алонсо  Мекларен     1:47.551 + 3.141  20
18. Џолион Палмер    Рено         1:48.525 + 4.115  15
19. Паскал Верлајн   Заубер       1:49.048 + 4.638  19
20. Маркус Ериксон   Заубер       1:49.937 + 5.527  21

Серџо Перез покажа колку многу чини и најмалата грешка на оваа патека...

Болидот на Ферари беше екстремно нестабилен...