2017 АЗЕРБЕЈЏАН ГП: МАКС СО НАЈБРЗО ВРЕМЕ, НО И ФИНИШ ВО БАРИЕРИТЕ

Макс Ферстапен го забележа најбрзото време на денот, поставено на попладневната тренинг сесија, но и ја заврши во бариерите покрај првиот свиок. Валтери Ботас се потврдува како добар возач на уличните патеки со второто најбрзо време, блиску следен од Даниел Рикиардо, Кими Раиконен и Себастијан Ветел со 5-тото најбрзо време. Патеката во Баку се покажува како супер добра за Ред Бул, болид кој ги забележа најбрзите времиња на двете петочни сесии, нешто што не им успеало од далечната 2013 година и трката за ГН на Индија.

Дали ова значи дека Ред Бул го има најбрзиот болид е невозможно да се заклучи, односно вистинската форма на тимовите е многу тешко да се процени поради големиот број на инциденти, промашени свиоци и многубројните жолти знамиња.

Најголемиот инцидент за црвено знаме го имаше Џолион Палмер, кој со болидот на Рено сакаше да го имитира инцидентот на Серџо Перез од минатата сесија.

Последици од овој инцидент имаше за Луис Хамилтон кој финишираше 1.1 секунди од времето на Верстапен, со време поставено на меките гуми на Пирели, додека стинтот на супер-меките гуми беше нарушен од страна на Џолион Палмер.

Од таа причина речиси е невозможно да се одбере фаворит за утрешните квалификации, иако малку во предност би требало да биде тимот на Мерцедес АМГ, но се може да се очекува. Се надеваме дека ова е вистинската форма на Ред Бул и ќе имаме борба помеѓу 6 болиди за Пол позицијата.

Фернандо Алонсо повторно со чад од неговиот болид и тој ја заврши неговата сесија 30 минути пред финишот извикувајќи нервoзно "engine, engine" по тимското радио. Мекларен подоцна појасни дека проблем бил менувачот.

Возачот на Хаас, Роман Грожан, со незгодна сесија за него и последното место на табелата. Постојано излетуваше надвор од патеката, и по неколку пати при 3 и 8 свиок, и постојано ја искажуваше својата фрустрација поради перцепираниот проблем со сопирачките на тимското радио.

2017 АЗЕРБЕЈЏАН ГП - ВТОР СЛОБОДЕН ТРЕНИНГ

 П.     ВОЗАЧ          ТИМ         ВРЕМЕ   РАЗЛИКА КРУГA
 1. Макс Ферстапен   Ред Бул      1:43.362          36
 2. Валтери Ботас    Мерцедес АМГ 1:43.462 + 0.100  32
 3. Даниел Рикиардо  Ред Бул      1:43.473 + 0.111  34
 4. Кими Раиконен    Ферари       1:43.489 + 0.127  35
 5. Себастијан Ветел Ферари       1:43.615 + 0.253  35
 6. Ленс Строл       Вилијамс     1:44.115 + 0.751  34
 7. Серџо Перез      Форс Индија  1:44.306 + 0.944  27
 8. Данил Квјат      Торо Росо    1:44.321 + 0.959  34
 9. Естебан Окон     Форс Индија  1:44.484 + 1.122  37
10. Луис Хамилтон    Мерцедес АМГ 1:44.525 + 1.163  23
11. Фелипе Маса      Вилијамс     1:44.609 + 1.247  33
12. Фернандо Алонсо  Мекларен     1:45.515 + 2.153  13
13. Карлос Саинц ЈР. Торо Росо    1:45.733 + 2.371  34
14. Кевин Магнусен   Хас          1:45.831 + 2.469  33
15. Нико Хулкенберг  Рено         1:46.003 + 2.641  29
16. Џолион Палмер    Рено         1:46.061 + 2.699  17
17. Штофел Вандорн   Мекларен     1:46.174 + 2.812  28
18. Паскал Верлајн   Заубер       1:47.150 + 3.788  25
19. Маркус Ериксон   Заубер       1:47.347 + 3.985  25
20. Роман Грожан     Хас          1:47.722 + 4.360  22

Макс Ферстапен на крај ја зафркна работата...

Џолион Палмер го имитира Серџо Перез...