Новиот Центар ќе биде место каде ќе бидат вработени најдобрите дизајнери и инженери на Астон Мартин и Ред Бул, одговорни за сите тркачки автомобили од двете компании.
Со ова партнерство најпрво се стабилизира финансиската страна и трајно решение за тркачката програма на Астон Мартин, но Ф1 болидите на Ред Бул најмалу три сезони ќе немаат решение за моќна ПЕ.
Од овој иновативен центар би произлегла самостојна ПЕ најрано во 2021 година, кога ќе имаме промена на правилата, но се зависи од најавата за драстично кратење на трошоците за нивно производство.
Ред Бул останува на Рено ПЕ само уште една сезона. Што понатака?!?
Астон Мартин Ред Бул Ф1 ќе ја тестира Хонда ПЕ во болидите на сестринскиот тим на Торо Росо. Сепак, сите шпекулации од извори блиски со проектот Хонда Ф1 сугерираат дека за решавање на нивните проблеми е неопходно да се промена на културата на управување во овој Јапонски производител, но за такво нешто нема најава во поблиска иднина.
Погонската Единица во оваа хибридна Ф1 ера отсекогаш била слаба точка на Ред Бул Рејсинг и најверојатно така ќе остане и до 2020 година. Во тој случај ќе се јави нервоза и кај нивните главни возачи, Даниел Рикиардо и Макс Верстапен, кои сакаат да бидат дел од победнички тим.
Од 2021 година, според еден од клучните плановите на Рос Браун и Либерти Медиа за враќање на популарноста на Формула 1, треба да има некаква форма на независен производител на ПЕ, како што е Косворт, кој би можел да снабдува конкурентни ПЕ по конкурентни цени.
