ФЕРАРИ И РЕД БУЛ ВО ЕЛЕМЕНТ, МЕРЦЕДЕС АМГ СО ПРОБЛЕМИ

Ферари и Ред Бул имаа најдобри настапи на денешните невообичаени петочни тренинг сесии. Тимот на Ферари го имаше најбрзото време на денот, додека Ред Бул нивниот најблизок ривал на суво, беше во лига над сите на влажна патека. Она што е поважно за двата тима е тоа што возачите на Мерцедес АМГ имаа проблеми да ги задржат своите болиди на асфалтот на двете тренинг сесии.

ПРВ СЛОБОДЕН ТРЕНИНГ

Макс Ферстапен го диктираше темпото на првиот тренинг, кој беше одложен поради лошите временски услови. Холанѓанецот забележа време од 1:48.962 на Интермедиа гумите на Пирели при крајот на сесијата, кое се покажа како најбрзо. Даниел Рикиардо заврши 0.757 секунди зад својот тимски колега од Ред Бул, додека Фернандо Алонсо го имаше третото најбрзо време со заостанување од 1.6 секунди за тимот на Мекларен.

Во текот на утрото имаше дожд со силен интензитет, кој накратко се смири, но повторно се зголемуваше со наближување на времето за почеток на сесијата. Поради тоа, Чарли Вајтинг одлучи да ја одложи сесијата "на неодредено време".

Безбедносниот автомобил излегуваше на патеката за да ги процени условите за тркање и по 20-тина минути се сметаше дека условите се подобрија. Првиот тренинг започна со задоцнување од половина час, со што на возачите им останаа 60 минути од сесијата, во кои немаше многу акција.

 П.    ВОЗАЧ            ТИМ        ВРЕМЕ   РАЗЛИКА КРУГA
 1. Макс Ферстапен   Ред Бул      1:48.962           11
 2. Даниел Рикиардо  Ред Бул      1:49.719 + 0.757   12
 3. Фернандо Алонсо  Мекларен     1:50.597 + 1.635    6
 4. Кими Раиконен    Ферари       1:50.734 + 1.772   12
 5. Себастијан Ветел Ферари       1:51.009 + 2.047   12
 6. Луис Хамилтон    Мерцедес АМГ 1:51.518 + 2.556    8
 7. Валтери Ботас    Мерцедес АМГ 1:52.007 + 3.045   10
 8. Ленс Строл       Вилијамс     1:52.295 + 3.333    8
 9. Пјер Гасли       Торо Росо    1:52.380 + 3.418   14
10. Сергеј Сироткин  Рено         1:53.521 + 4.559   10
11. Џолион Палмер    Рено         1:53.625 + 4.663   10
12. Штофел Вандорн   Мекларен     1:53.771 + 4.809   10
13. Естебан Окон     Форс Индија  1:53.896 + 4.934    6
14. Шон Гелајл       Торо Росо    1:54.610 + 5.648   13
15. Серџо Перез      Форс Индија  1:54.669 + 5.707    4
16. Чарлс Леклерк    Заубер       1:55.280 + 6.318   10
17. Паскал Верлајн   Заубер       1:55.652 + 6.690   10
18. Роман Грожан     Хас          1:56.211 + 7.249    8
19. Кевин Магнусен   Хас          1:56.339 + 7.377    6
20. Фелипе Маса      Вилијамс      без поставено време

2014 Луис Хамилтон  Мерцедес АМГ 1:40.691
2015 Нико Розберг   Мерцедес АМГ 1:40.124
2016 Нико Розберг   Мерцедес АМГ 1:35.227
2017 Макс Ферстапен Ред Бул      1:48.962

ВТОР СЛОБОДЕН ТРЕНИНГ

Ферари го диктираше темпото на вториот тренинг, т.е. на сува патека. Себастијан Ветел беше за повеќе од половина секунда побрз од својот тимски колега, Кими Раиконен, на второто место и Даниел Рикиардо кој го имаше третото најбрзо време.

По доцнењето на првата тренинг сесија, втората заврши 20-тина минути пред истекот на времето, поради инцидентот на Роман Грожан при поголема брзина, предизвикан од разлабавен капак на дренажна шахта. Инцидентот може да го погледнете на приложените видеа. По утринскиот дожд, сега патеката беше сува, но прогнозата за остатокот од викендот е неизвесна, т.е. пороен дожд не може да се исклучи во нити еден момент.

Викендот во Малезија продолжува утре со третиот тренинг и Квалификациите, закажани за 08:00, т.е. 11:00 часот по Македонско време.

 П.     ВОЗАЧ           ТИМ        ВРЕМЕ   РАЗЛИКА КРУГA
 1. Себастијан Ветел Ферари       1:31.261           22
 2. Кими Раиконен    Ферари       1:31.865 + 0.604   19
 3. Даниел Рикиардо  Ред Бул      1:32.099 + 0.838   19
 4. Макс Ферстапен   Ред Бул      1:32.109 + 0.848   11
 5. Фернандо Алонсо  Мекларен     1:32.564 + 1.303   14
 6. Луис Хамилтон    Мерцедес АМГ 1:32.677 + 1.416   15
 7. Валтери Ботас    Мерцедес АМГ 1:32.720 + 1.459   21
 8. Серџо Перез      Форс Индија  1:32.862 + 1.601   19
 9. Нико Хулкенберг  Рено         1:33.060 + 1.799   24
10. Естебан Окон     Форс Индија  1:33.096 + 1.835   24
11. Џолион Палмер    Рено         1:33.381 + 2.120   26
12. Фелипе Маса      Вилијамс     1:33.394 + 2.133   20
13. Штофел Вандорн   Мекларен     1:33.673 + 2.412   15
14. Ленс Строл       Вилијамс     1:33.818 + 2.557   16
15. Пјер Гасли       Торо Росо    1:34.043 + 2.782   22
16. Карлос Саинц JР. Торо Росо    1:34.104 + 2.843   19
17. Роман Грожан     Хас          1:34.118 + 2.857   18
18. Кевин Магнусен   Хас          1:34.343 + 3.082   17
19. Паскал Верлајн   Заубер       1:35.246 + 3.985   29
20. Маркус Ериксон   Заубер       1:35.697 + 4.436   27

2014 Нико Розберг     Мерцедес АМГ 1:39.909
2015 Луис Хамилтон    Мерцедес АМГ 1:39.790
2016 Луис Хамилтон    Мерцедес АМГ 1:34.944
2017 Себастијан Ветел Ферари       1:31.261