ХАМИЛТОН ДОМИНИРА НА ПАТЕКАТА НА АМЕРИКИТЕ

Луис Хамилтон продолжи да доминира на патеката на Америките, додека Себастијан Ветел од Ферари комплетираше само 11 круга на попладневниот тренинг во Остин, забележувајќи го третото најбрзо време и беше половина секунда побавен од својот ривал за титулата. Второто најбрзо време го имаше Макс Ферстапен, кој беше десетинка побрз од Германецот.

Во Ферари одлучија да ја сменат шасијата на Себастијан Ветел по проблематичната втора сесија. Мерцедес АМГ, Ред Бул и Ферари ги пополнија и наредните три места, со Валтери Ботас пред Даниел Рикиардо и Кими Раиконен. Во Топ 10 пласман беа и Фернандо Алонсо, Фелипе Маса и возачите на Форс Индија, Серџо Перез пред Естебан Окон.

Очигледно дека на Мерцедес АМГ му одговара оваа патека, но Ред Бул и Ферари не се премногу далеку од нивното темпо. Карлос Саинц ЈР. го предводеше поредокот надвор од Топ 10 пласманот, пред новиот тимски колега Нико Хулкенберг, Даниил Квјат, Кевин Магнусен, Штофел Вандорн, Ленс Строл, дебитантот Брендон Хартли, Зауберите на Паскал Верлајн и Маркус Ериксон. Последен беше Роман Грожан со болидот на Хас.

2017 САД ГП - ВТОР СЛОБОДЕН ТРЕНИНГ

 П.   ВОЗАЧ             ТИМ        ВРЕМЕ   РАЗЛИКА КРУГА
 1. Луис Хамилтон    Мерцедес АМГ 1:34.668          26
 2. Макс Ферстапен   Ред Бул      1:35.065 + 0.397  30
 3. Себастијан Ветел Ферари       1:35.192 + 0.524   9
 4. Валтери Ботас    Мерцедес АМГ 1:35.279 + 0.611  39
 5. Даниел Рикиардо  Ред Бул      1:35.463 + 0.795  23
 6. Кими Раиконен    Ферари       1:35.514 + 0.846  28
 7. Фернандо Алонсо  Мекларен     1:36.304 + 1.636  28
 8. Фелипе Маса      Вилијамс     1:36.460 + 1.792  29
 9. Серџо Перез      Форс Индија  1:36.481 + 1.815  27
10. Естебан Окон     Форс Индија  1:36.490 + 1.822  33
11. Карлос Саинц ЈР. Рено         1:36.529 + 1.861  29
12. Нико Хулкенберг  Рено         1:36.534 + 1.867  17
13. Данил Квјат      Торо Росо    1:36.761 + 2.093  39
14. Кевин Магнусен   Хас          1:37.285 + 2.617  16
15. Штофел Вандорн   Мекларен     1:37.463 + 2.795  30
16. Ленс Строл       Вилијамс     1:37.788 + 3.120  27
17. Брендон Хартли   Торо Росо    1:37.987 + 3.319  40
18. Паскал Верлајн   Заубер       1:38.165 + 3.497  35
19. Маркус Ериксон   Заубер       1:38.262 + 3.594  22
20. Роман Грожан     Хас          1:38.387 + 3.719  25