ВАЛТЕРИ БОТАС ГИ ПОСРАМОТИ РИВАЛИТЕ ЗА ТИТУЛАТА

Валтери Ботас го забележа најбрзото време на првиот слободен тренинг за Големата Награда на Мексико. Тој беше за 0,466 секунди побрз од негвоиот тимски колега Луис Хамилтон. Мерцедес АМГ повторно 1-2 на табелата, но двајцата нивни возачи времињата ги забележаа на ултра-меката смеша, додека нивните најблиски ривали Ред Бул и Ферари не ја употребија најмеката смеша на Пирели. Најбрзиот круг на Финецот е најбрз досега забележан на тековниот изглед на патеката во Мексико Сити.

Повеќето возачи, како и Себастијан Ветел, Кими Раиконен, Луис Хамилтон имаа мали извртувања на патеката што е нормална работа на оваа прва сесија каде се "бараат" лимитите на патеката.

Алфонсо Целис претера во тоа и имаше судир со бариерите, при што значително го оштети задниот дел од болидот на Естебан Окон, чија замена беше на оваа сесија. Тоа предизвика краток период на црвено знаме.

Макс Ферстапен, исто така, имаше предвремен крај на сесијата, поради фундаменталната промена на подесувањето на неговиот болид.

Единствениот возач нез комплетиран круг беше Штофел Вандорн со Мекларен. Во пресрет на тркачкиот викенд во неговиот болид беше вградена целосно нова ПЕ, со тоа заработувајќи казна од 35 стартни места.

Сепак при излегување на патеката инженерите на Хонда забележале аномалија во телеметријата, по што го повлекоја во гаражата и се решија за повторна промена на ПЕ. Вандорн требаше да ја користи 3.8 верзијата на Хонда ПЕ, но од вториот тренинг се враќаат на старата 3.7 спецификација.

Од првиот тренинг не можеме да "прочитаме" многу за формата на тимовите, како и по обичај за тоа повеќе ќе помогне вториот тренинг кој започнува во 21 часот по македонско време.

2017 МЕКСИКО ГП - ПРВ СЛОБОДЕН ТРЕНИНГ

 П.    ВОЗАЧ            ТИМ        ВРЕМЕ   РАЗЛИКА КРУГА
 1. Валтери Ботас    Мерцедес АМГ 1:17.824          42
 2. Луис Хамилтон    Мерцедес АМГ 1:18.290 + 0.466  35
 3. Макс Ферстапен   Ред Бул      1:18.395 + 0.571  16
 4. Даниел Рикиардо  Ред Бул      1:18.421 + 0.597  28
 5. Себастијан Ветел Ферари       1:18.586 + 0.762  28
 6. Кими Раиконен    Ферари       1:19.008 + 1.184  27
 7. Серџо Перез      Форс Индија  1:19.240 + 1.416  21
 8. Фернандо Алонсо  Мекларен     1:19.346 + 1.522  20
 9. Фелипе Маса      Вилијамс     1:19.443 + 1.619  32
10. Нико Хулкенберг  Рено         1:19.552 + 1.728  19
11. Карлос Саинц ЈР. Рено         1:19.554 + 1.730  24
12. Ленс Строл       Вилијамс     1:19.772 + 1.948  34
13. Кевин Магнусен   Хас          1:20.644 + 2.820  16
14. Паскал Верлајн   Заубер       1:20.971 + 3.147  30
15. Антонио Џовинаци Хас          1:21.269 + 3.445  26
16. Чарлс Леклерк    Заубер       1:21.446 + 3.622  28
17. Шон Гелајл       Торо Росо    1:21.639 + 3.815  29
18. Брендон Хартли   Торо Росо    1:21.747 + 3.923  10
19. Алфонсо Целис    Форс Индија  1:22.342 + 4.518  17
20. Штофел Вандорн   Мекларен     без поставено време

2015 Макс Ферстапен - Ред Бул - 1:25.990
2016 Луис Хамилтон - Мерцедес АМГ - 1:20.914
2017 Валтери Ботас - Мерцедес АМГ - 1:17.824

Алфонсо Целис - Судир со бариерите

Паскал Верлајн во Заубер

Моменти од ФП1