ДОМИНАЦИЈАТА НА ХАМИЛТОН И МЕРЦЕДЕС АМГ ПОТВРДЕНА НА ВТОРИОТ ТРЕНИНГ

Луис Хамилтон го имаше најбрзото време и на вториот тренинг за Големата Награда на Бразил, но, со минимални 0.048 секунди пред својот тимски колега, Валтери Ботас. Даниел Рикиардо беше најголема закана за Мерцедес АМГ, завршувајќи со 0.228 делови од секундата на третата позиција, пред Ферарито на Себастијан Ветел, кој заостануваше плус една десетинка. Макс Ферстапен беше 5-ти, три десетинки побрз од Кими Раиконен на шестото место.

Естебан Окон беше седми пред миленикот на домашната публика, Фелипе Маса како осми најбрз, додека Нико Хулкенберг и Фернандо Алонсо го комплетираа Топ 10 пласманот.

Мекларенот не може без проблеми, па, во еден момент Шпанецот беше повикан во својата гаража, за инженерите на Хонда да ги испитаат неправилностите во телеметријата од нивната ПЕ. За среќа, тој беше во можност да се врати на патеката и да работи на нивната тест програма.

Маркус Ериксон со болидот на Заубер имаше фрустрирачка сесија, излетувајќи надвор од патеката, завршувајќи со минимален контакт со бариерите. Самостојно успеа да се врати до својата гаража, но, за него тоа беше крај на тренингот. Антонио Џовиаци кој го позајми болидот на Хас од Кевин Магнусен беше 20-ти последен.

Тркачкиот викенд во Бразил продолжува утре со третиот тренинг, 14:00 MK и Квалификациската сесија од 17:00 MK.

2017 БРАЗИЛ ГП - ВТОР СЛОБОДЕН ТРЕНИНГ

 П.     ВОЗАЧ            ТИМ       ВРЕМЕ   РАЗЛИКА КРУГА
 1. Луис Хамилтон    Мерцедес АМГ 1:09.515          42
 2. Валтери Ботас    Мерцедес АМГ 1:09.563 + 0.048  45
 3. Даниел Рикиардо  Ред Бул      1:09.743 + 0.228  37
 4. Себастијан Ветел Ферари       1:09.875 + 0.360  48
 5. Макс Ферстапен   Ред Бул      1:09.886 + 0.371  38
 6. Кими Раиконен    Ферари       1:10.117 + 0.602  45
 7. Естебан Окон     Форс Индија  1:10.306 + 0.791  49
 8. Фелипе Маса      Вилијамс     1:10.373 + 0.858  42
 9. Нико Хулкенберг  Рено         1:10.396 + 0.881  39
10. Фернандо Алонсо  Мекларен     1:10.655 + 1.140  31
11. Карлос Саинц ЈР. Рено         1:10.685 + 1.170  42
12. Серџо Перез      Форс Индија  1:10.695 + 1.180  43
13. Штофел Вандорн   Мекларен     1:10.902 + 1.387  38
14. Ленс Строл       Вилијамс     1:11.064 + 1.549  44
15. Роман Грожан     Хас          1:11.300 + 1.785  39
16. Пјер Гасли       Торо Росо    1:11.422 + 1.907  43
17. Брендон Хартли   Торо Росо    1:11.821 + 2.306  54
18. Паскал Верлајн   Заубер       1:11.857 + 2.342  43
19. Маркус Ериксон   Заубер       1:11.989 + 2.474  17
20. Антонио Џовинаци Хас          1:12.417 + 2.902  37

2014 Нико Розберг - Мерцедес АМГ - 1:12.123
2015 Нико Розберг - Мерцедес - АМГ 1:12.385
2016 Луис Хамилтон - Мерцедес АМГ - 1:12.271
2017 Луис Хамилтон - Мерцедес АМГ - 1:09.515

ф1 со микрофон :)

Маркус Ериксон, Заубер