РЕД БУЛ СЕ НАДЕВА НА ДОБАР РЕЗУЛТАТ ВО СИНГАПУР

Возачите на Ред Бул ја гледаат оваа трка како најголема шанса за нивна Победа од целиот календар и според резултатите на првиот тренинг изгледа дека имале потполно право на тоа. Ред Бул заврши на врвот на табелата, со Даниел Рикиардо на првото место и Макс Ферстапен на второ, со времиња забележани на хипер-меката смеша.

Сепак ова се само тренинг сесии и останува тоа да ни го потврдат на сесиите кои се важат, т.е. утрешните Квалификации. Ред Бул го предводеше врвот пред болидите на Ферари, но Италијанците се познати по тоа што не форсираат на тренинг сесиите.

Возачите на Мерцедес АМГ, Луис Хамилтон и Валтери Ботас, беа шести и осми, но, Мерцедес АМГ се реши да немаат квалификациски кругови и се концентрираа на сетирање на болидите за трка со помош на меката смеша на Пирели, која е сигурно повеќе од секунда побавна од Хипер-меката која ја користеа возачите на Ред Бул и Ферари.

Болидите на Рено изгледаа дека имаат брзина, исто како и Заубер, но нивната звезда, Чарлс Леклерк, го имаше најголемиот инцидент на оваа сесија, па неговите механичар ќе имаат доста работа да ја средат предната десна амортизација на неговиот болид. Очигледната негова грешка ја имате на првото видео во прилог на овој пост.

Вториот тренинг ќ се одвива во порепрезентативни услови кои ќе владеат за време на квалификациите и трката, ќе започне под светла во 20:30 по локално време, 14:30 по наше, македонско време.

2018 СИНГАПУР ГП - ПРВ СЛОБОДЕН ТРЕНИНГ
П.	ВОЗАЧ	ТИМ	ВРЕМЕ	РАЗЛИКА	КРУГ
1	Даниел Рикиардо	Ред Бул	1:39.711		27
2	Макс Ферстапен	Ред Бул	1:39.912	+ 0.201	27
3	Себастијан Ветел	Ферари	1:39.997	+ 0.286	23
4	Кими Раиконен	Ферари	1:40.486	+ 0.775	21
5	Нико Хулкенберг	Рено	1:41.105	+ 1.394	26
6	Луис Хамилтон	Мерцедес АМГ	1:41.232	+ 1.521	28
7	Карлос Саинц ЈР.	Рено	1:41.329	+ 1.618	23
8	Валтери Ботас	Мерцедес АМГ	1:41.429	+ 1.718	28
9	Чарлс Леклерк	Заубер	1:42.035	+ 2.324	24
10	Роман Грожан	Хас	1:42.108	+ 2.397	21
11	Маркус Ериксон	Заубер	1:42.408	+ 2.697	23
12	Серџо Перез	Форс Индија	1:42.412	+ 2.701	25
13	Кевин Магнусен	Хас	1:42.452	+ 2.741	20
14	Фернандо Алонсо	Мекларен	1:42.630	+ 2.919	23
15	Естебан Окон	Форс Индија	1:43.177	+ 3.467	25
16	Пјер Гасли	Торо Росо	1:43.240	+ 3.529	25
17	Брендон Хартли	Торо Росо	1:43.485	+ 3.774	30
18	Ленс Строл	Вилијамс	1:43.849	+ 4.138	30
19	Сергеј Сироткин	Вилијамс	1:44.036	+ 4.325	29
20	Штофел Вандорн	Мекларен	1:45.160	+ 5.449	11
ИСТОРИЈА - ХИБРИДНА ЕРА - МАРИНА БЕЈ 2014 Фернандо Алонсо - Ферари - 1:49.056 2015 Нико Розберг - Мерцедес АМГ - 1:47.995 2016 Макс Ферстапен - Ред Бул - 1:45.823 2017 Даниел Рикиардо - Ред Бул - 1:42.489 2018 Даниел Рикиардо - Ред Бул - 1:39.711
@МкФормула1 - Република Македонија @MkFormula1 - Republic of Macedonia