ТИМСКИ ШЕФОВИ - НАЈДОБАР Ф1 ВОЗАЧ ЗА 2018 ГОДИНА

Луис Хамилтон доминираше во гласањето на тимските шефови, што го организира Британскиот Аутоспорт, за тоа кој е најдобриот возач за 2018 година. Макс Ферстапен беше негов најблизок противник. Тимските шефови, ги рангираа Ф1 возачите од 1 до 10 со систем на добивање поени како што се доделуваат на секоја Ф1 трка (25-18-15-12-10-8-6-4-2-1).

Не е изненадување со оглед на неговата форма од оваа 2018 сезона што Луис Хамилтон се појавува како топ избор на осум од деветте тимски шефови кои учествуваа во гласањето.

Зад Шампион работите беа многу поблиски, каде Макс Ферстапен ги победи  Себастијан Ветел и Фернандо Алонсо, заработувајќи доволен број на поени за второто место. Изненадува пласманот на Шпанецот и покрај тоа што возачот на Мекларен немаше пласман на победничкиот подиумот.

Во гласањето учествуваа: Тото Волф, Кристијан Хорнер, Кирил Абитебул, Гинтер Штајнер, Зак Браун, Омар Сафнауер, Фред Васер, Франц Тост и Клер Вилијамс.

Гласање на тимски шефови

Најдобар возач за 2018 сезоната

1. Луис Хамилтон 218

2. Макс Ферстапен 139

3. Себастијан Ветел 105

4. Фернандо Алонсо 103

5. Даниел Рикиардо 85

6. Чарлс Леклерк 71

7. Кими Раиконен 57

8. Валтери Ботас 38

9. Естебан Окон 27

10. Нико Хулкенберг 23