ПИРЕЛИ ГИ НОМИНИРАШЕ СМЕШИТЕ ЗА ПРВИТЕ 4 ТРКИ ОД 2019 ШАМПИОНАТОТ

Само што заврши 2018 Ф1 сезоната со гала вечерта на ФИА во Санк Петерсбург, Русија, па возачите заминаа на заслужена зимска пауза. Тоа важи за нив, но не и за тимскиот персонал кој напорно работи на подготовка на новите 2019 болиди.

Истото важи и за Пирели, официјалниот снабдувач на Ф1 со пневматици, каде напорно работат на производство на новите гуми, и во согласнот со правилата веќе ги објавија номинациите за првите четири трки од новата сезона, т.е. Големите Награди на Австралија, Бахреин, Кина и Азербејџан.

Од 2019 година, сите номинирани гуми за суво време ќе имаат исто име за сите трки, и тоа тврди(бели), медиум(жолти) и меки(црвени).

Сепак, во зависност од карактеристиките на патеката, тие ќе се бираат направени од достапните пет 2019 смеши, најтврдата означена со С1, до најмеката означена со C5.

Во Австралија, Кина и Азербејџан, тимовите ќе добијат гуми направени од смешите означени со C2, C3 и C4, додека во Бахреин со C1, C2 и C3.

2019 НОМИНАЦИИ НА ПИРЕЛИ				2018
ТРКА	ТВРДИ	МЕДИУМ	МЕКИ	НОМИНАЦИИ НА ПИРЕЛИ
1. АВСТРАЛИЈА	С2	С3	С4	Ме	М	УМ
2. БАХРЕИН	С1	С2	С3	Т	Ме	М
3. КИНА	С2	С3	С4	Ме	М	УМ
4. АЗЕРБЕЈЏАН	С2	С3	С4	Ме	М	УМ
С1=Т/С2=Ме/С3=М/С4=УМ/С5=ХМ @МкФормула1 - Република Македонија @MkFormula1 - Republic of Macedonia