Новите сопственици сакаа да го задржат името Форс Индија, но од ФИА им било наложено да се вметне и името на новата компанијата сопственик, предводена од Лоренс Строл, со цел да се разликува од претходната инкарнација како Сахара Форс Индија.
Но, Строл нема посебен афинитет кон името Рејсинг Поинт и во моментов се дискутира за ново име. За разлика од името, розовите бои на болидот, најверојатно остануваат, бидејќи Австриската компанија BWT, останува како спонзор на тимот.
Омар Сафнауер потврди дека неговиот тим во следната година нема да биде познат како Рејсинг Поинт.
"Тоа име е само носител на место на табелата за кое ќе има промени кои ќе бидат објавени пред 2019 сезоната."
