БИКОВИТЕ НА МРАЗ - ВОЗБУДЛИВ СТАРТ НА СЕЗОНАТА

Зимската пауза е долга и досадна, особено за двајца млади и нестрпливи Ф1 возачи, па затоа од тимот на Ред Бул организираа мала забава со тоа што Макс Ферстапен и Пјер Гасли ги одведоа на патека за брзо лизгање во Холандија, каде што стариот картинг тим на Макс подготви неколку картинзи за мраз. Започнувајќи ја сезоната во вистински стил, двајцата возачи на Ред Бул добро се справуваа со тесната 3 километарска патека со импресивни пролизгувања, крофни и скандинавски извртувања.

Макс Ферстапен, возбудено изјави: "Беше многу забавно. Ова беше прв пат да возам картинг на мраз и тој беше доста брз. Мислам дека во еден момент возев преку 100 км/ч, во шеста брзина. Тоа беше одлично. Ако би го оценувал мојот дрифт, би си дал осумка. Ова беше една од најзабавните активности што ги направивме, имаше неколку навистина добри, но ова е дефинитивно едно од најдобрите мои искуства. Денес имав многу забава со Пјер и тоа беше одличен начин да ја започнеме сезоната заедно."

Пјер Гасли беше подеднакво ентузијастички расположен, со оценка на свјот дрифт 10 од 10: "Имаше неколку убави моменти со Макс, дрифтувајќи тркало до тркало. Ова беше навистина поразлично искуство од она што нормално би го имале на регуларна патека со Ф1 болид, па затоа е кул да се доживее вакво нешто. Сакам да се натпреварувам, но ова беше повеќе за забава и беше одличен ден поминат со Макс. Сега претпоставувам дека треба да најдам нешто забавно за него кога ќе дојде во Франција."