Возачот на Према Рејсинг ја обзнани својата безусловна љубов кон тимот од Маранело, со кој што еден ден сака да го направи последниот чекор кон Формула 1 Шампионатот, а потоа да го повтори успехот на својот татко.
"Не брзам, јас ќе продолжам со досегашната пракса. Стекнувањето искуство и учењето е главната одлика на младите категории во мотоспортот. И покрај тоа што сега сум во Ф2, што е чекор поблиску до Ф1, многу е важно да се соберат сите можни податоци, да се адаптираш, а потоа, кога ќе дојде вистинското време тие да се искористат."
"Тоа беше одлична можност да поразговарам со Себастијан, кој има многу искуство во Формула 1. Секогаш е добро да се дружам со него и да зборуваме за многу работи, не само за Ф1, туку и за Ф2 и како да се справам со тркачките викенди."
"Се надевам дека натпреварувањето во Формула 2 ќе ми донесе одредени сознанија за тоа како навистина се работи во модерен Ф1 тим. Го возев Шампионскиот болид на Бенетон од 1994 година, кој е многу сличен на Ф2 болидите. Ќе биде многу интересно да се почувствува брзината и Г-силите, и да видиме како навистина ќе се однесува болидот."
"Но, она што ќе биде уште поважно за мене е да научам како е да се работи со толку многу луѓе зад мене и да го разберам целиот систем. Тоа ќе биде многу посебно и интересно ново искуство за мене и јас со нетрпение очекувам тоа за започне."
