МЕРЦЕДЕС АМГ НЕМА ДА СЕ ЗАМЕРУВА СО ФЕРАРИ

По објавата на ФИА дека анализата на 2019 Ферари ПЕ е завршена, седум Ф1 тимови,  Мерцедес АМГ, Ред Бул, Мекларен, Рено, АлфаТури, Рејсинг Поинт и Вилијамс, напишаа отворено писмо до ФИА во кое изразија незадоволство од фактот дека резултатите од анализата се скриени со доверлив договор меѓу федерацијата и тимот.

Според германскиот АМуС, Мерцедес АМГ се повлекува од понатамошни приговори кон ФИА и Ферари, напуштајќи ја групата. Според нив оваа одлука е донесена од самиот врв на Мерцедес-Бенз по состанокот со извршниот директор на FCA и претседателот на Ферари, Џон Елкан.

Останатите тимови сè уште ги поддржуваат напорите ФИА да открие дали Ферари ги прекршил техничките регулативи од минатата година и се многу разочарани од одлуката на Мерцедес АМГ да се откаже од понатамошна постапка.