ЛУИС ХАМИЛТОН: ПРОДОЛЖУВАМЕ ДА ПОСТАВУВАМЕ НОВИ СТАНДАРДИ

Во Австрија, Луис Хамилтон беше најбрз на сите тренинг сесии, но во квалификациите загуби од својот тимски колега.

Британецот се квалификуваше на втората позиција, со само 12 милисекунди побавно време од денес најбрзото време на Валтери Ботас.

Двајцата возачи на Мерцедес АМГ ќе ја започнат Големата Награда на Австрија на црвените гуми на Пирели.

Луис Хамилтон, П2: "Одличен настап за Валтери и одличен почеток на сезоната за целиот тимот. При мојот последен брз круг во Q3, имаше голема прашина кога излегов од 4-от свиок и најпрво не знаев каде е болидот што излета од патеката, но набрзо успеав да видам дека Валтери се враќа кон патеката."

"За среќа, овој момент немаше никаков ефект врз мојот резултат, па на крајот, тој ја задржа својата позиција, исто така и јас."

"Овој тим од година во година покажува за што е способен, ние продолжуваме да поставуваме нови стандарди. Мислам дека тоа е затоа што отворено ги разгледуваме работите, и ние сме актуелни со времето во кое живееме."

"Ние секогаш учиме едни од други и секогаш ги поместуваме границите заедно. Ние сме обединети како тим, во рамките на тимот нема политички интриги, работиме како единка. Мислам дека затоа сме побрзи со секоја измината година. Сега треба да ја покажеме таа сила на утрешната трка."