МЕРЦЕДЕС АМГ, ФЕРАРИ И МЕКЛАРЕН НА ПОБЕДНИЧКИОТ ПОДИУМ

Валтери Ботас е победник на драматичната Голема Награда на Австрија. Тој ја помина целната линија за 0.689 секунди побрзо од неговиот тимски колега, Луис Хамилтон, но Британецот веднаш се спушти на 4тото место, по добиените 5 секунди казна за неговиот дуел со Алекс Албон.

Тоа го промовираше Чарлс Леклер на второ место, но и првиот пласман на подиумот за Ландо Норис од Мекларен. Тој го наследи последното место на подиумот, откакоимаше два дуели во последните мигови од трката, едниот со неговиот тимски колега Карлос Саинц Јр., а потоа го претекна и Серџо Перез, кој се обиде да направи долг стинт на медиум гумите.

Откако доби чиста патека пред себе, тој требаше да ја намали разликата до Хамилтон, по информациите за неговата казна. Во тие моменти го постави најбрзиот круг на трката и речиси во последните мигови од трката успеа да ја намали разликата под 5 секунди.

Карлос Саинц Јр. заврши на петтото место со Перез на шестото, откако и на Мексиканецот му беше изречена казна од пет секунди за брзо возење низ пит-линијата.

Пјер Гасли финишираше на седмото место пред повратникот во Формула 1, Естебан Окон со болидот на Рено. Антонио Џовинаци беше деветти за Алфа Ромео, пред Себастијан Ветел кој успеа да го земе последниот поен по несмасно изведениот напад врз Мекларенот на Шпанецот. Следуваше негово извртување на патеката, и пад на последното место.

Имаше среќа што издржливоста на болидите денес беше на незавидно ниво, па последното место, буквално беше 11тата позиција на табелата, па мораше да го претекне бавниот болид Вилијамс со Николас Латифи зад неговиот волан.

Канаѓанецот беше последниот болид што ја премина целната линија и за многу малку ќе имаше деби од соништата со забележување поен на својата прва Ф1 трка.

Инцидентот помеѓу Хамилтон и Албон се случи по завршувањето на третиот период на безбедносно возило и откако и Џејмс Алисон, техничкиот директор на Мерцедес АМГ мораше да интервенира до своите возачи заради критични предупредувања од сензорот во менувачот на двата болиди.

Тајланѓанецот се почувствува спремен да ја забележи неговата деби Победа во Формула 1 кога речиси успеа да го претекне Луис Хамилтон за второто место.

Албон помина голем дел од трката возејќи на третото место зад двата водечки Мерцедеси, но, по третиот период на БВ беше во можност да го искористи новиот сет на меки гуми со20 круга пред крајот на трката.

Инженерите на Мерцедес АМГ се решија да ги задржат двата возачи на патеката, Валтери Ботас и второпласираниот Хамилтон, на нивните тврди гуми, кои веќе имаа 25 круга зад себе до тој момент.

Веднаш по рестартот на трката, болидот на Ред Бул се обиде да го претекне Мерцедесот од надворешната страна на четвртиот свиок. Кога изгледаше дека ќе се провлече покрај Хамилтон, дојде до контакт помеѓу предното лево тркало на Британецот и неговото задно десно тркало.

Болидот на Ред Бул се изврте и заврши во чакалот покрај патеката. На асфалтот се врати на последната позиција, но набрзо беше принуден да ја заврши неговата трка.

2020 АВСТРИСКО ГРАН ПРИ - РЕД БУЛ РИНГ 71 круга,; 306.452км., Време: Сончево
ПЛАСМАН:
П.	ВОЗАЧ	ТИМ	ВРЕМЕ
1.	Валтери Ботас	Мерцедес АМГ	1ч30:55.739
2.	Чарлс Леклер	Ферари	+ 2.700
3.	Ландо Норис	Мекларен	+ 5.491
4.	Луис Хамилтон	Мерцедес АМГ	+ 5.689
5.	Карлос Саинц ЈР.	Мекларен	+ 8.903
6.	Серџо Перез	Рејсинг Поинт	+ 15.092
7.	Пјер Гасли	АлфаТаури	+ 16.682
8.	Естебан Окон	Рено	+ 17.456
9.	Антонио Џовинаци	Алфа Ромео	+ 21.146
10.	Себастијан Ветел	Ферари	+ 24.545
11.	Николас Латифи	Вилијамс	+ 31.650
12.	Даниел Квјат	АлфаТаури	гума
13.	Алекс Албон	Ред Бул	судир/дефект
НАЈБРЗ КРУГ: ЛАНДО НОРИС - 1:07.475
БЕЗ ПЛАСМАН:
14.	Кими Раиконен	Алфа Ромео	гума
15.	Џорџ Расел	Вилијамс	дефект
16.	Роман Грожан	Хас	дефект
17.	Кевин Магнусен	Хас	дефект
18.	Ленс Строл	Рејсинг Поинт	дефект
19.	Даниел Рикиардо	Рено	дефект
20.	Макс Ферстапен	Ред Бул	дефект
@МкФормула1 - Република Македонија @MkFormula1 - Republic of Macedonia

***ГЕНЕРАЛЕН ПЛАСМАН 01/??***
ВОЗАЧИ:
1.	Валтери Ботас	25
2.	Чарлс Леклер	18
3.	Ландо Норис	16
4.	Луис Хамилтон	12
5.	Карлос Саинц ЈР.	10
6.	Серџо Перез	8
7.	Пјер Гасли	6
8.	Естебан Окон	4
9.	Антонио Џовинаци	2
10.	Себастијан Ветел	1
11.	Николас Латифи	0
12.	Даниел Квјат	0
13.	Алекс Албон	0
14.	Кими Раиконен	0
15.	Џорџ Расел	0
16.	Роман Грожан	0
17.	Кевин Магнусен	0
18.	Ленс Строл	0
19.	Даниел Рикиардо	0
20.	Макс Ферстапен	0
КОНСТРУКТОРИ:
1.	Мерцедес АМГ	37
2.	Мекларен	26
3.	Ферари	19
4.	Рејсинг Поинт	8
5.	АлфаТаури	6
6.	Рено	4
7.	Алфа Ромео	2
8.	Вилијамс	0
9.	Ред Бул	0
10.	Хас	0