ЧАРЛС ЛЕКЛЕР: ГОЛЕМ РЕЗУЛТАТ, СО БАВЕН БОЛИД

Моначанецот во поголемиот дел од трката беше на шестото место, сè додека не му се укажа прилика при влегувањето на безбедносниот автомобил. После второто рестартирање на трката, тој го претекна Ландо Норис низ 6-7 свиок и потоа го помина и Серџо Перез, за да премине како трет болид низ целната линија. Но, поради казната на Хамилтон, Моначанецот се најде на второто место на подиумот.

Чарлс Леклер, П2: "Не очекував ваков резултат, ова беше пријатно изненадување за нас. Денес направивме сè совршено, а јас бев втор. Имав среќа со казната на Луис и другите инциденти. Но, ова е исто така дел од трките."

"Треба да се искористат сите укажани шанси, дури и ако болдиот нема доволно брзина за да постигне таков резултат. Јас сум многу задоволен од второто место. Нас не чека многу работа, затоа што сè уште сме многу инфериорни во однос на конкуренцијата, но денешната трка покажа дека се е можно."

"Треба да одржуваме нашиот морал, да работиме заедно и да се вратиме на позициите што ги заслужуваме. Сакав да се обидам веднаш агресивно, но по излегувањето на безбедносниот автомобил имав проблеми помеѓу првиот и третиот свиок, по што сфатив дека немам големи шанси на тој начин."

"Знаев дека ќе дојде моето време ако некој погреши. Покрај тоа, во одреден момент, Ландо забави и се бореше со Перез, па решив да нападнам. Не беше лесно да се сoочам со Серxо, но навистина ми се допадна."