МЕРЦЕДЕС АМГ ПОБЕДУВА, НА Ф1 ФАНОВИТЕ ТОА НЕ ИМ СЕ ДОПАЃА

Луис Хамилтон доминираше на трката за ГН на Белгија, контролирано од Пол позицијата до минувањето на целната линија, забележувајќи ја својата 89 Ф1 Победа.

Валтери Ботас, на кого не му беше дозволено да се трка со својот тимски колега, се погрижи за нов 1-2 финиш на Мерцедес АМГ.

Ова беше една од подосадните трки во историјата, за што допринесе и инцидентот на Антонио Џовинаци и Џорџ Расел, кој се случи во моментите кога беа планирани влегувањата во бокс.

Макс Ферстапен, секогаш толку блиску, но и толку далеку, забележа уште едно трето место за Ред Бул. Даниел Рикиардо и Естебан Окон завршија на четвртото и петтото место, најдобриот резултат за Рено во сезоната.

Французинот го украде петтото место од Алекс Албон во последниот круг со помош на ДРС-системот и претекнување од надворешната страна на влез во Les Combes свиокот.

Возачот на Ред Бул ја призна грешката во стратегија, кога се обиде да има висок пласман со стратегија од меки и медиум гуми. Сепак, Тајланѓанецот успеа да го задрж шестото место, издржувајќи ги нападите на Ландо Норис со болидот на Мекларен.

Пјер Гасли, можеби беше возачот со најмногу претекнувања на трката, главно на Кемел правецот, што во комбинација со вистинската стратегија, му го донесоа осмото место и титулата возач на денот.

Тој и Серџо Перез, беа единствените возачи кои што не ги сменија пневматиците кога беше периодот на безбедносниот автомобил, но, на Мексиканецот тоа не му донесе резултат, па на крај мораше да се задоволи со еден бод, финиширајќи зад својот тимски колега, Ленс Строл, на десеттото место.

Сепак сите зборуваат за Ферари. Пред една година тие доминираа на СПА-Франкоршамп, Чарлс Леклар ја освои Пол позицијата, Себастијан Ветел беше втор. Утредента, Моначанецот ја забележа својата прва победа во кариерата.

Оваа година, пак поради фактот што Италијанците го достигнаа дното во оваа Хибридна Ера на Формула 1. Болидите придвижувани од нивната ПЕ, особено фабричкиот тим од Маранело беа далеку назад, а возачите на Ферари може да се каже дека беа инфериорни дури и во однос на нивните клиентски тимови.

Тркањето продолжува веќе следниот викенд на нивни домашен терен на најбрзата патеката во календарот, легендарниот Храм на Брзината, Монца.

2020 БЕЛГИСКО ГРАН ПРИ 44 круга, 308.052км., Време: Сончево
ПЛАСМАН:
П.	ВОЗАЧ	ТИМ	РАЗЛИКА
1.	Луис Хамилтон	Мерцедес АМГ	1ч24:08.761
2.	Валтери Ботас	Мерцедес АМГ	+ 8.448
3.	Макс Ферстапен	Ред Бул	+ 15.455
4.	Даниел Рикиардо	Рено	+18.877
5.	Естебан Окон	Рено	+ 40.650
6.	Алекс Албон	Ред Бул	+ 42.712
7.	Ландо Норис	Мекларен	+ 43.774
8.	Пјер Гасли	АлфаТаури	+ 47.371
9.	Ленс Строл	Рејсинг Поинт	+ 52.603
10.	Серџо Перез	Рејсинг Поинт	+ 53.179
11.	Даниел Квјат	АлфаТаури	+ 1:10.200
12.	Кими Раиконен	Алфа Ромео	+ 1:11.504
13.	Себастијан Ветел	Ферари	+ 1:12.894
14.	Чарлс Леклер	Ферари	+ 1:14.920
15.	Роман Грожан	Хас	+ 1:16.793
16.	Кевин Магнусен	Хас	+ 1:17.795
17.	Николас Латифи	Вилијамс	+ 1:25.540
НАЈБРЗ КРУГ: ДАНИЕЛ РИКИАРДО - 1:47.483
БЕЗ ПЛАСМАН:
18.	Антонио Џовинаци	Алфа Ромео	излетување
19.	Џорџ Расел	Вилијамс	судир
20.	Карлос Саинц ЈР.	Мекларен	без старт
ИСТОРИЈА - ХИБРИДНА ЕРА 2014 Даниел Рикиардо - Ред Бул - 1ч24:36.556 2015 Луис Хамилтон - Мерцедес АМГ - 1ч23:40.387 2016 Нико Розберг - Мерцедес АМГ - 1ч44:51.058 2017 Луис Хамилтон - Мерцедес АМГ - 1ч24:42.820 2018 Себастијан Ветел - Ферари - 1ч23:34.476 2019 Чарлс Леклер - Ферари - 1ч23:45.710 2020 Луис Хамилтон - Мерцедес АМГ - 1ч24:08.761 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

***ГЕНЕРАЛЕН ПЛАСМАН 07/17***
ВОЗАЧИ:
1.	Луис Хамилтон	157
2.	Макс Ферстапен	110
3.	Валтери Ботас	107
4.	Алекс Албон	48
5.	Чарлс Леклер	45
6.	Ландо Норис	45
7.	Ленс Строл	42
8.	Даниел Рикиардо	33
9.	Серџо Перез	33
10.	Естебан Окон	26
11.	Карлос Саинц ЈР.	23
12.	Пјер Гасли	18
13.	Себастијан Ветел	16
14.	Нико Хулкенберг	6
15.	Антонио Џовинаци	2
16.	Даниел Квјат	2
17.	Кевин Магнусен	1
18.	Кими Раиконен	0
19.	Николас Латифи	0
20.	Џорџ Расел	0
21.	Роман Грожан	0
КОНСТРУКТОРИ:
1.	Мерцедес АМГ	264
2.	Ред Бул	158
3.	Мекларен	68
4.	Рејсинг Поинт(-15)	66
5.	Ферари	61
6.	Рено	59
7.	АлфаТаури	20
8.	Алфа Ромео	2
9.	Хас	1
10.	Вилијамс	0