ЛУИС ХАМИЛТОН СО СЕДМА ПОБЕДА НА ДОМАШЕН ТЕРЕН

Луис Хамилтон ја забележа неговата рекордната Седма Победа на трката за Големата награда на Британија финиширајќи со дупната лева предна гума. Трка во која ако не беа трите дупнати гуми во последните 2 круга ќе беше прогласена за една од најдосадните во историјата на Формула 1. Но, среќата ги следи храбрите...

Возачите на Мерцедес АМГ имаа мирна и контролирана трка во 50 од 52 кругови од трката на Силверстоун, која што во два наврати беше прекината од Безбедносниот автомобил по излетувањата на Кевин Магнусен и Данил Квјат, за да имаат сензационален пресврт на нешто повеќе од два круга до крајот.

Најпрво Валтери Ботас заработи дупната лева предна гума на почетокот на 50-от круг, што значи дека мораше да помине речиси цел круг пополека до боксевите, при тоа паѓајќи од второ место во пласман без поени.

Инженерите на Мерцедес АМГ го предупредија водечкиот Луис Хамилтон да не ризикува да се обиде да го забележи најбрзиот круг во последниот круг, но кратко потоа и неговата предна лева гума се дупна и тој беше принуден со внимателно возење да стигне до целта, во што и успеа.

Делумно за тоа е заслужен и Макс Ферстапен, кој во моментите кога му се дупна гумата на Ботас влезе во бокс по нови гуми за да се обиде да го забележи најбрзиот круг на трката.

Па така, кога се случи малерот на Хамилтон, тој требаше да анулира 30 секунди во половина круг. Иако брзо се приближуваше кон Хамилтон, Британецот успеа да ја забележи својата седма победа на Британското Гран При.

Чарлс Леклер финишираше на третото место во една осамена трка за него, кога напред Холанѓанецот беше недостижен, додека позади него имаше добра борба помеѓу повеќе возачи за кои Ферарито беше недостижно.

Таа битка ја доби Даниел Рикиардо со четвртото место, откако Карлос Саинц Јр. ја имаше истата драма како возачите на Мерцедес АМГ во претпоследниот круг.

Ландо Норис во поголем дел од трката беше пред Рикиардо, но искуството на Австралијанецот победи, па тој мораше да се задоволи со пласман на петтото место пред Естебан Окон во вториот болид на Рено.

Пјер Гасли успеа да ги претекне Себастијан Ветел и Ленс Строл за седмо место за Алфатаури, додека Албон, на кого му беше изречена казна од пет секунди за инцидентот со Магнусен, се опорави на осмото место.

Ленс Строл беше деветти за Рејсинг Поинт, со Себастијан Ветел на 10-то место и последниот поен, за малку пред несреќниот Финец во редовите на Мерцедес АМГ, Валтери Ботас, кој финишираше без поени.

2020 БРИТАНСКО ГРАН ПРИ 52 круга, 306.198км., Време: Сончево
ПЛАСМАН:
П.	ВОЗАЧ	ТИМ	ВРЕМЕ
1.	Луис Хамилтон	Мерцедес АМГ	1ч28:01.283
2.	Макс Ферстапен	Ред Бул	+ 5.856
3.	Чарлс Леклер	Ферари	+ 18.474
4.	Даниел Рикиардо	Рено	+ 19.650
5.	Ландо Норис	Мекларен	+ 22.277
6.	Естебан Окон	Рено	+ 26.937
7.	Пјер Гасли	АлфаТаури	+ 31.188
8.	Алекс Албон	Ред Бул	+ 32.670
9.	Ленс Строл	Рејсинг Поинт	+ 37.311
10.	Себастијан Ветел	Ферари	+ 41.857
11.	Валтери Ботас	Мерцедес АМГ	+ 42.167
12.	Џорџ Расел	Вилијамс	+ 52.004
13.	Карлос Саинц ЈР.	Мекларен	+ 53.370
14.	Антонио Џовинаци	Алфа Ромео	+ 54.205
15.	Николас Латифи	Вилијамс	+ 54.549
16.	Роман Грожан	Хас	+ 55.050
17.	Кими Раиконен	Алфа Ромео	+ 1 круг
НАЈБРЗ КРУГ: МАКС ФЕРСТАПЕН - 1:27.097
БЕЗ ПЛАСМАН:
18.	Даниел Квјат	АлфаТаури	излетување
19.	Кевин Магнусен	Хас	инцидент
20.	Нико Хулкенберг	Рејсинг Поинт	без старт
ХИБРИДНА ИСТОРИЈА - СИЛВЕРСТОУН 2014 Луис Хамилтон - Мерцедес АМГ - 2ч26:52.094 2015 Луис Хамилтон - Мерцедес АМГ - 1ч31:27.729 2016 Луис Хамилтон - Мерцедес АМГ - 1ч34:55.831 2017 Луис Хамилтон - Мерцедес АМГ - 1ч21:27.430 2018 Себастијан Ветел - Ферари - 1ч27:29.789 2019 Луис Хамилтон - Мерцедес АМГ - 1ч26:52.094 2020 Луис Хамилтон - Мерцедес АМГ - 1ч28:01.283
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

***ГЕНЕРАЛЕН ПЛАСМАН 04/??***
ВОЗАЧИ:
1.	Луис Хамилтон	88
2.	Валтери Ботас	58
3.	Макс Ферстапен	52
4.	Ландо Норис	36
5.	Чарлс Леклер	33
6.	Алекс Албон	26
7.	Серџо Перез	22
8.	Ленс Строл	20
9.	Даниел Рикиардо	20
10.	Карлос Саинц ЈР.	15
11.	Естебан Окон	12
12.	Пјер Гасли	12
13.	Себастијан Ветел	10
14.	Антонио Џовинаци	2
15.	Даниел Квјат	1
16.	Кевин Магнусен	1
17.	Николас Латифи	0
18.	Кими Раиконен	0
19.	Џорџ Расел	0
20.	Роман Грожан	0
КОНСТРУКТОРИ:
1.	Мерцедес АМГ	146
2.	Ред Бул	78
3.	Мекларен	51
4.	Ферари	42
5.	Рејсинг Поинт	43
6.	Рено	32
7.	АлфаТаури	13
8.	Алфа Ромео	2
9.	Хас	1
10.	Вилијамс	0