Според одговорните во овој тим, потпишувањето на овој договор е јасна изјава за амбицијата на тимот да се етаблира како едно од најконкурентните имиња во врвниот мотоспорт. Секогаш е добро да имате шампион во својот тим, кој носи нов начин на размислување, особено кога тоа е еден од најуспешните и најценетите возачи во Формула 1.
Возач кој знае што е потребно да се победува на највисоко ниво. Во време на потпишувањето, тој има 53 Победи, со што е на трето место на ранкингот на победници на Ф1 трки, како и дополнителни 67 пласмани на подиумот. Неговата брзина на квалификациите е подеднакво импресивна, почнувајќи од првиот ред на гридот 101 пати до денес, 57 од кои беа од Пол позицијата.
Имаше четири последователни титули со Ред Бул во периодот од 2010 до 2013 година и повеќе победи со Ферари во изминатите години. Искуството и неговите лидерски го прават совршен возач кој ќе му помагне на тимот да ги оствари своите амбиции.
Отмар Шафнауер, извршен директор и тимски шеф на Рејсинг Поинт: "Сите во Силверстоун се многу возбудени од оваа вест. Себастијан е докажан шампион и носи победнички менталитет што одговара на нашите сопствени амбиции за иднината како Астон Мартин Ф1. Во сабота или недела попладне, Себастијан е еден од најдобрите во светот, и не можам да мислам на подобар возач што ќе ни помогне во оваа нова ера. Тој ќе игра значајна улога во однесувањето на овој тим на следното ниво."
"Импресиониран сум од резултатите што тимот ги постигнува оваа година и верувам дека иднината изгледа уште посветла. Енергијата и посветеноста на Лоренс Строл кон спортот се инспиративни и верувам дека заедно можеме да изградиме нешто многу посебно."
"Сè уште имам толку многу љубов кон Формула 1 и единствената мотивација ми е да се натпреварувам на предниот дел од гридот. Да се стори тоа со Астон Мартин ќе биде огромна привилегија."
