ХАМИЛТОН НАЈБРЗ НА ПРВАТА И ЕДИНСТВЕНА ТРЕНИНГ СЕСИЈА

Ф1 карванот по трет пат оваа сезона ја посетува Италија, сега на патеката Имола која остана подзаборавена во поновата историја на врвниот мотоспорт. Се наоѓа во срцето на регионот Емилија-Ромања, а последен пат беше домаќин на трка во април 2006 година. Само Кими Раиконен од сегашните возачи беше на стартниот грид тој ден.

Кога сме веќе кај "ICEMAN", да напоменеме дека тој вчера потпиша нов договор и останува во Алфа Ромео и следната сезона, заедно со неговиот тимски колега Антонио Џовинаци. Дали неговото искуство на оваа патека ќе му донесе некоја предност ќе покаже останатиот дел од скратениот викенд. Финецот заврши петти тука во 2006 година, а негов најдобар резултат е второто место во 2003 година.

Заедно со двете места во Алфа Ромео, потврдено беше и тоа на Пјер Гасли во тимот на АлфаТаури. Повеќе околу новините, трансферите, календарот за 2021 сезоната имате на слендиот линк.

2021 Ф1 СЕЗОНА - СИТЕ ИНФОРМАЦИИ НА ЕДНО МЕСТО

Најбрз на денешниот единствен тренинг за ГН на Емилија Ромања беше Луис Хамилтон со болидот на Мерцедес АМГ. Многу од круговите на возачите беа избришани, откако не ги почитуваа лимитите на патеката, кои беа мониторирани на 9-от и 15-от свиок, па возачите најверојатно ќе имаат забелешки на брифингот со Мајкл Маси.

Тоа беше проблем и за Себастијан Ветел, па затоа до последните моменти од сесијата се наоѓаше на последното место на табелата со време поставено на белите гуми, најтврдата смеша на Пирели за оваа патека. Сепак на крај се извлече со 12-тото набрзо време, во поредокот кој не дава реална слика на перфомансите на сите болиди, па би требало да не очекуваат добри квалификациски сесии.

Квалификациите започнуваат во 14:00 часот со директен пренос на Телевизија 24Вести.

2020 ЕМИЛИЈА РОМАЊА ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:14.726		46
2	Макс Ферстапен	Ред Бул	1:15.023	+ 0.297	38
3	Валтери Ботас	Мерцедес АМГ	1:15.218	+ 0.492	47
4	Пјер Гасли	АлфаТаури	1:15.633	+ 0.907	46
5	Чарлс Леклер	Ферари	1:15.688	+ 0.962	40
6	Даниел Рикиардо	Рено	1:15.839	+ 1.115	32
7	Естебан Окон	Рено	1:15.945	+ 1.219	43
8	Даниел Квјат	АлфаТаури	1:15.967	+ 1.240	47
9	Алекс Албон	Ред Бул	1:16.061	+ 1.335	41
10	Ленс Строл	Рејсинг Поинт	1:16.082	+ 1.356	42
11	Серџо Перез	Рејсинг Поинт	1:16.109	+ 1.383	41
12	Себастијан Ветел	Ферари	1:16.167	+ 1.441	40
13	Роман Грожан	Хас	1:16.550	+ 1.824	42
14	Карлос Саинц Јр.	Мекларен	1:16.560	+ 1.834	42
15	Антонио Џовинаци	Алфа Ромео	1:16.564	+ 1.838	33
16	Ландо Норис	Мекларен	1:16.671	+ 1.945	44
17	Кими Раиконен	Алфа Ромео	1:16.684	+ 1.958	43
18	Џорџ Расел	Вилијамс	1:16.780	+ 2.054	42
19	Кевин Магнусен	Хас	1:17.060	+ 2.334	45
20	Николас Латифи	Вилијамс	1:17.779	+ 3.053	28
ХИБРИДНА ЕРА - ИМОЛА 2020 Луис Хамилтон - Мерцедес АМГ - 1:14.726
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA