1-2 ПЛАСМАН ЗА РЕД БУЛ НА ПРВАТА ТРЕНИНГ СЕСИЈА

Во последните моменти од првиот тренинг за ГН на Турција, Макс Ферстапен не дозволи неговиот тимски колега, Алекс Албон да биде на првото место на табелата, во сесија на која времињата беа во втор план, додека тимовите ги пронаоѓаа вистинските подесувања на болидите. Организаторите поставија нов асфалт, чија површина беше многу лизгава, па како резултат имавме повеќе извртувања на патеката. Пирели ги донесе најтврдите смеши од својот опсег.

Тајланѓанецот мораше да се задоволи со второто место, пред Чарлс Леклер и Пјер Гасли, единствениот кој од Топ 6 пласманот своето време го постави на медиум смешата, т.е жолтите гуми на Пирели, додека останатите своите времиња ги поставија на белите гуми. Возачите на Мерцедес АМГ премногу резервирани, Ботас заврши како деветти, а Хамилтон на ниската 15-та позиција.

"Толку е лизгаво што не можам да ја притиснам педалата за гас дури и на правците", се пожали во првите кругови Ландо Норис, кој денес наполни 21 година.

2021 Ф1 СЕЗОНА - СИТЕ ИНФОРМАЦИИ НА ЕДНО МЕСТО

Во седмата минута тренингот беше прекинат и беа развеани црвените знамиња, откако Чарлс Леклер собори едно од пластичните столбчиња кои служат зa дистанцирање на патеката со влезот во боксевите.

Најмногу проблеми со својот болид имаше Карлос Саинц Јр. кој застана на патеката, предизвикувајќи период на ВБА. Во текот на целата сесија неговиот инженер го известуваше дека имаат мал проблем со електрониката, но останува да се види дали тоа е поврзано или пак Шпанецот наиде на други потешкотии, бидејќи по паркирањето покрај патеката пријави губење на хидрауликата на воланот.

Луис Хамилтон по два инсталациски круга на почетокот, кога патеката беше на места влажна, се врати во својата гаража, каде го помина поголемиот дел од времето, поради промена на сет-апот на неговиот болид. На патеката се врати во последните 15 минути.

Вториот тренинг за ГН на Турција започнува во 13:00 часот, кога ќе видиме порелевантен поредок на силите на Истанбул парк.

2020 ТУРСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:35.077		29
2	Алекс Албон	Ред Бул	1:35.318	+ 0.241	27
3	Чарлс Леклер	Ферари	1:35.507	+ 0.430	26
4	Пјер Гасли	АлфаТаури	1:35.543	+ 0.467	26
5	Себастијан Ветел	Ферари	1:35.620	+ 0.543	29
6	Даниел Квјат	АлфаТаури	1:37.738	+ 1.661	27
7	Ландо Норис	Мекларен	1:37.216	+ 2.139	21
8	Антонио Џовинаци	Алфа Ромео	1:37.503	+ 2.426	21
9	Валтери Ботас	Мерцедес АМГ	1:37.629	+ 2.552	23
10	Естебан Окон	Рено	1:38.428	+ 3.351	23
11	Николас Латифи	Вилијамс	1:38.508	+ 3.431	18
12	Серџо Перез	Рејсинг Поинт	1:38.612	+ 3.535	22
13	Ленс Строл	Рејсинг Поинт	1:39.484	+ 4.407	21
14	Роман Грожан	Хас	1:40.025	+ 4.948	25
15	Луис Хамилтон	Мерцедес АМГ	1:40.225	+ 5.148	12
16	Кими Раиконен	Алфа Ромео	1:41.035	+ 5.958	23
17	Кевин Магнусен	Хас	1:41.854	+ 6.777	21
18	Даниел Рикиардо	Рено	1:45.462	+ 10.079	20
19	Карлос Саинц Јр.	Мекларен	1:46.725	+ 11.358	11
20	Џорџ Расел	Вилијамс	1:49.256	+ 14.179	17
ХИБРИДНА ЕРА - ИСТАНБУЛ ПАРК 2020 Макс Ферстапен - Ред Бул - 1:35.077
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA