ОБЕЗБЕДЕНА 7-ТА ПОСЛЕДОВАТЕЛНА ТИТУЛА ЗА МЕРЦЕДЕС АМГ

Луис Хамилтон со неговата 93-та Ф1 Победа, поткрепено со 1-2 пласманот на Валтери Ботас и теоретски се обезбеди 7-та последователна Шампионска Титула на Мерцедес АМГ на трката за Големата Награда на Емилија Ромања, која што денес се возеше на патеката Имола. Неверојатно малерозен ден за возачите на Ред Бул, особено Макс Ферстапен, кој беше на второто место, во моментот кога се дупна неговата десна задна гума и заврши во чакалот покрај патеката. Тоа го искористи Даниел Рикиардо за пласан на третото место и последното скалило на Победничкиот Подиум.

За време на формацискиот круг, инженерите на АлфаТаури во телеметријата од ПЕ во болидот на Пјер Гасли забележаа неправилности, Французинот ја стартуваше трката, но во 9-от круг беа приморани да го повикаат да се повлече поради пад на притисокот на течноста за ладење.

Во 51-от круг, трката за Ферстапен беше завршена, откако му експлодираше задната десна гума, болидот излета и заглави во чакалот. Следеше период на безбедносниот автомобил, по што одредени возачи се упатија во бокс по нови гуми, додека некои останаа на патеката.

Во 52-от круг, Џорџ Расел, кој во тој момент се наоѓаше на 10-тото место, изгуби контрола врз својот болид зад безбедносниот автомобил во обид да ги загрее своите гуми, по што заврши во бариерите покрај патеката.

Маршалите имаа многу работа во чистење на остатоците од асфалтот и иствремено евакуирање на два болиди. Ленс Строл при посета на своите механичари со доцно сопирање го собори механичарот што стоеше напред, но без сериозни последици.

На крај Луис Хамилтон ја забележа својата 9-та Победа во сезоната, Ботас заврши како втор со што тимот на Мерцедес АМГ ја обезбеди Титулата во Шампионатот на конструктори по седми пат по ред.

Даниел Рикиардо заврши трет, се искачи на подиумот по втор пат оваа сезона. Даниел Квјат ја заврши трката четврти, забележувајќи го најдобриот пласман во тековната година, а за прв пат двајцата возачи на Алфа Ромео забележаа поени.

Календарот продолжува за две недели во Турција, патека на која требаше да има многу Македонски фанови, но во последен момент властите се решија за трка без публика.

2020 ГН ЕМИЛИЈА РОМАЊА - ТРКА 63 круга, 309.049км., Време: Облачно/Сончево
ПЛАСМАН:
П.	ВОЗАЧ	ТИМ	ВРЕМЕ
1.	Луис Хамилтон	Мерцедес АМГ	1ч28:32.430
2.	Валтери Ботас	Мерцедес АМГ	+ 5.783
3.	Даниел Рикиардо	Рено	+ 14.320
4.	Даниел Квјат	АлфаТаури	+ 15.141
5.	Чарлс Леклер	Ферари	+ 19.111
6.	Серџо Перез	Рејсинг Поинт	+ 19.652
7.	Карлос Саинц Јр.	Мекларен	+ 20.253
8.	Ландо Норис	Мекларен	+ 21.131
9.	Кими Раиконен	Алфа Ромео	+ 22.224
10.	Антонио Џовинаци	Алфа Ромео	+ 26.398
11.	Николас Латифи	Вилијамс	+ 27.135
12.	Себастијан Ветел	Ферари	+ 28.453
13.	Ленс Строл	Рејсинг Поинт	+ 29.163
14.	Роман Грожан	Хас	+ 32.935
15.	Алекс Албон	Ред Бул	+ 57.284
НАЈБРЗ КРУГ: ЛУИС ХАМИЛТОН - 1:15.484
БЕЗ ПЛАСМАН:
16.	Џорџ Расел	Вилијамс	излетување
17.	Макс Ферстапен	Ред Бул	гума
18.	Кевин Магнусен	Хас	дефект
19.	Естебан Окон	Рено	дефект
20.	Пјер Гасли	АлфаТаури	дефект
ХИБРИДНА ЕРА - ИМОЛА 2020 Луис Хамилтон - Мерцедес АМГ - 1ч28:32.430 @MkFormula1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

ГЕНЕРАЛЕН ПЛАСМАН 13/17 ТРКИ
ВОЗАЧИ:
1.	Луис Хамилтон	282
2.	Валтери Ботас	197
3.	Макс Ферстапен	162
4.	Даниел Рикиардо	95
5.	Чарлс Леклер	85
6.	Серџо Перез	82
7.	Ландо Норис	69
8.	Карлос Саинц Јр.	65
9.	Алекс Албон	64
10.	Пјер Гасли	63
11.	Ленс Строл	57
12.	Естебан Окон	40
13.	Даниел Квјат	26
14.	Себастијан Ветел	18
15.	Нико Хулкенберг	10
16.	Кими Раиконен	4
17.	Антонио Џовинаци	4
18.	Роман Грожан	2
19.	Кевин Магнусен	1
20.	Николас Латифи	0
21.	Џорџ Расел	0
КОНСТРУКТОРИ:
1.	Мерцедес АМГ	479
2.	Ред Бул	226
3.	Рено	135
4.	Мекларен	134
5.	Рејсинг Поинт(-15)	134
6.	Ферари	103
7.	АлфаТаури	89
8.	Алфа Ромео	8
9.	Хас	3
10.	Вилијамс	0