АЛФА РОМЕО, ПРВ ТИМ КОЈ ЈА ЗАКАЖА 2021 ПРЕЗЕНТАЦИЈАТА

Тимот на Алфа Ромео ги објави датумот и локацијата на презентацијата на болидот за 2021 сезоната. Тој ќе ја има ознаката, C41, и ќе биде прикажан во Варшава на 22 Февруари. Местото на презентацијата не беше избрано случајно, туку затоа што нивниот главен спонзор, нафтената компанија ПКН Орлен, е од Полска.

Алфа Ромео воедно е првиот тим кој објави точен датум на презентација. Претходно беше познато дека претставувањето на Астон Мартин ќе се одржи во Февруари, а Ферари планираше да го претстави SF21 во Барселона, но по пренесувањето на тестовите во Бахреин, Скудерија ќе мора да ги прилагоди плановите.