АЛ-АТИЈА СО 5-ТА ЕТАПНА ПОБЕДА НА 2021 ДАКАР РЕЛИТО

Насер Ал-Атија е победник на 8-та етапа на Дакар релито, негова петта на годинешното рели. Ел Матадор беше втор со нешто помалку од минута заостанување, додека лидерот во генералниот пласман, Стефан Петерхансел, беше трет, но изгуби три минути во однос на катарецот.

Петерхансел изгуби одредено време поради дупната гума, но и го штедеше својот Мини, по вчерашните технички проблеми.

Ал-Атија изјави дека денешната победа не била баш лесна: "Драго ми е што завршивме, зачувувајќи го автомобилот неоштетен, бидејќи на некои делови од етапата мораше да нападнеме за да останеме во чекор со Мините на Саинц и Петерхансел. Но, на крај се испадна одлично, надополнив три минути против Стефан, и имаме уште четири дена пред нас."

Предноста на Петерхансел во однос на Катарецот е намалена на 5 минути 50 секунди, додека разликата до Карлос Саинц никако да падне на реално достижно ниво.

По второто место на вчерашната етапа, денес Чилеанецот Хозе Игнасио Корнехо, со Хонда CRF450, беше победник, што му овозможи малку да ја зголеми предноста во генералниот пласман во однос на Американецот Тоби Прајс, кој настапува за фабричкиот тим на КТМ, кој денес финишираше на второто место, со минута заостанување.

Меѓу возачите на квадови, 8-та етапа најбрзо ја помина Французинот Александар Жиро, но Аргентинецот Мануел Андухар останува лидер во оваа класа, завршувајќи втор денес.

Меѓу возачите на камиони, тимот на КАМАЗ-МАСТЕР повторно немаше конкуренција, но редоследот беше нешто поразличен од вчерашниот. Победник е екипажот на Антон Шибалов, второто место го забележа екипажот на Димитриј Сотников, а третото му припадна на триото предводено од Андреј Каргинов.

Долго време, белорускиот екипаж на МАЗ, предводен од Алексеј Вишневски беше во водство, но буквално во последните километри загуби скоро осум минути поради технички проблеми, и како резултат заврши на четвртото место.

2021 ДАКАР РЕЛИ ГЕНЕРАЛЕН ПЛАСМАН
П.	РБ	ВОЗАЧ	ТИМ	ВРЕМЕ	РАЗЛИКА
АВТОМОБИЛИ
1	302	STÉPHANE PETERHANSEL EDOUARD BOULANGER	X-RAID MINI JCW TEAM	29:35.49
2	301	NASSER AL-ATTIYAH MATTHIEU BAUMEL	TOYOTA GAZOO RACING		+ 00:05.50
3	300	CARLOS SAINZ LUCAS CRUZ	X-RAID MINI JCW TEAM		+ 00:39.55
4	307	JAKUB PRZYGONSKI TIMO GOTTSCHALK	ORLEN TEAM/OVERDRIVE		+ 01:39.08
5	311	NANI ROMA ALEXANDRE WINOCQ	BAHRAIN RAID XTREME		+ 02:20.59
МОТОРЦИКЛИ
1	4	JOSE IGNACIO FLORIMO	MONSTER ENERGY HONDA TEAM 2021	32:00.11
2	3	TOBY PRICE	RED BULL KTM FACTORY TEAM		+ 00:01.06
3	5	SAM SUNDERLAND	RED BULL KTM FACTORY TEAM		+ 00:05.57
4	47	KEVIN BENAVIDES	MONSTER ENERGY HONDA TEAM 2021		+ 00:12.58
5	88	JOAN BARREDA BORT	MONSTER ENERGY HONDA TEAM 2021		+ 00:16.05
КАМИОНИ
1	507	DMITRY SOTNIKOV RUSLAN AKHMADEEV ILGIZ AKHMETZIANOV	KAMAZ-MASTER	32:34.18
2	501	ANTON SHIBALOV DMITRII NIKITIN IVAN TATARINOV	KAMAZ-MASTER		+ 00:43.28
3	509	AIRAT MARDEEV DMITRIY SVISTUNOV AKHMET GALIAUTDINOV	KAMAZ-MASTER		+ 01:13.15
4	504	ALES LOPRAIS PETR POKORA KHALID ALKENDI	INSTAFOREX LOPRAIS PRAGA		+ 01:29.11
5	505	MARTIN MACIK FRANTISEK TOMASEK DAVID SVANDA	BIG SHOCK RACING		+ 01:51.46
6	505	ALIAKSEI VISHNEUSKI MAKSIM NOVIKAU SIARHEI SACHUK	MAZ-SPORTAUTO		+ 01:51.56
КВАДОВИ
1	154	MANUEL ANDUJAR	7240 TEAM	40:08.45
2	152	ALEXANDRE GIROUD	TEAM GIROUD		+ 00:19.43
3	159	GIOVANNI ENRICO	ENRICO RACING TEAM		+ 00:26.00
4	163	PABLO COPETTI	MX DEVESA BY BERTA		+ 02:41.27
5	168	ITALO PEDEMONTE	ENRICO RACING TEAM		+ 02:50.19
ПОБЕДНИЦИ ПО ЕТАПИ АВТОМОБИЛИ 0 NASSER AL-ATTIYAH - TOYOTA GAZOO RACING 1 CARLOS SAINZ - X-RAID MINI JCW TEAM 2 NASSER AL-ATTIYAH - TOYOTA GAZOO RACING 3 NASSER AL-ATTIYAH - TOYOTA GAZOO RACING 4 NASSER AL-ATTIYAH - TOYOTA GAZOO RACING 5 GINIEL DE VILLIERS - TOYOTA GAZOO RACING 6 CARLOS SAINZ - X-RAID MINI JCW TEAM 7 YAZEED AL RAJHI - OVERDRIVE TOYOTA 8 NASSER AL-ATTIYAH - TOYOTA GAZOO RACING
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA