ЗАПОЧНУВА ВТОРАТА СЕЗОНА ВО ФОРМУЛА Ж

Поминаа скоро две години откако инаугуративната сезона во Формула Ж заврши во Брендс Хеч во август 2019 година. Звукот на болидите од оваа серијата повторно се слуша, по почетокот на пет дневната тест сесија во Ангелси, како последна подготовка пред стартот на втората сезона од шампионатот.

По презакажувањето на Големата Награда на Франција, трката со која ќе се отвори 2021 сезоната во Формула Ж ќе се одржи во Шпилберг, Австрија на 26 Јуни како поддршка за Големата Награда на Штаерска.

Ревидираниот 2021 календар во Формула Ж, годинава во блиско партнерство со Формула 1, е следниот:

- 26 Јуни, Ред Бул ринг, Австрија
(како поддршка на Големата Награда на Штаерска)

- 3 Јули, Ред Бул ринг, Австрија
(како поддршка на Големата Награда на Австрија)

- 17 Јули, Силверстоун, Велика Британија
(како поддршка на Големата Награда на ВБ)

- 31 Јули, Хунгароринг, Унгарија
(како поддршка на Големата Награда на Унгарија)

- 28 Август, СПА-Франкоршамп, Белгија
(како поддршка на Големата Награда на Белгија)

- 4 Септември, Зандворт, Холандија
(како поддршка на Големата Награда на Холандија)

- 23 Октомври, Остин, САД
(како поддршка на Големата Награда на САД)

- 30 Октомври, Мексико Сити, Мексико
(како поддршка на Големата Награда на Мексико)

Кетрин Бонд Муир, главен извршен директор на Формула Ж, изјави: "Пресреќна сум што чекањето конечно заврши и нашите натпреварувачки се вратија на асфалтот за втората сезона во Формула Ж. Одложувањето на нашата втора сезона всушност ни даде време да ги забрзаме нашите планови и ние се враќаме подобри и подготвени за нова ера на трки."

"Овонеделниот тест е суштинска подготовка за предизвиците со кои ќе се соочат нашите натпреварувачки и потсетување за тоа колку ќе биде тешка сезоната. Знам дека секоја од нив ужива во можноста да седне зад воланот на нашите болиди. Како што беше случај во инаугуративната сезона на Формула Ж, сите возачи ќе се натпреваруваат со Ф3 болидите, Tatuus T-318."

Со исклучок на Тасмин Пепер, ЈАР, којa не е во можност да присуствува на предсезонскиот тест поради ограничувања на патувањето, сите натпреварувачки што претходно беа најавени за 2021 сезоната ќе бидат во Ангелси. На нив ќе им се придружат три дополнителни натпреварувачки кои се поканети да учествуваат на тестот:

- Аби Пулинг, 18, Велика Британија
- Гоша Рдест, 28, Полска
- Кејтлин Вуд, 24, Австралија

2021 ФОРМУЛА Ж НАТПРЕВАРУВАЧКИ
П.	НАТРЕВАРУВАЧКА	ЗЕМЈА
1	Џејми Чадвик, 22	В.Британија
2	Сејбр Кук, 26	САД
3	Марта Гарсија, 20	Шпанија
4	Ајла Огрен, 27	Норвешка
5	Аби Итон, 28	В.Британија
6	Џесика Хокинс, 25	В.Британија
7	Белен Гарсија, 21	Шпанија
8	Ема Кимилаинен, 31	Финска
9	Мики Којама, 23	Јапонија
10	Сара Мур, 27	В.Британија
11	Тасмин Пепeр, 30	ЈАР
12	Вики Пирија, 27	Италија
13	Алис Пауел, 27	В.Британија
14	Нереа Марти, 18	Шпанија
15	Ирина Сидоркова, 17	Русија
16	Бајтске Висер, 25	Холандија
17	Фабиен Волвенд, 23	Лихтенштајн
18	Бруна Томазели, 23	Бразил
@МкФормула1 - Република Македонија @MkFormula1 - Republic of Macedonia

Инаугуративната сезона во Формула Ж ја обележа борбата помеѓу Џејми Чадвик и Бајтске Висер во која подобра на крајот излезе Британката. Нивните перфоманси им овозможија на Чадвик, 22, да продолжи да се натпреварува во Европскиот Шампионат на Формула Регион и новата електрична серија Екстрем Е, додека Холанѓанката Висер, 26, се натпреваруваше на 24 часа Ле Ман по освојувањето на Виртуелниот Шампионат на Формула Ж. И двете натпреварувачки имаат за цел освојување на Титулата во Формула Ж и пред се супер лиценцата на ФИА.

Пред-сезонското тестирање, исто така, на натпреварувачки им дава можност да ги пробаат новите тркачки комбинезони, испорачана од ПУМА, фирма која продолжува како Глобален партнер на Формула Ж. Натпреварувачките ќе носат тркачки комбинезони специјално дизајнирани за жени и обезбедуваат највисоки нивоа на заштита.

Официјален снабдувач со гуми е Ханкок, кој ќе ги донесе своите слик гуми со високи перформанси, Ventus Race F200, и Z217 гумите за делумно влажна патека или целосно влажни услови, кои, со оглед на променливото време во Ангелси, веројатно нема да останат во гаражите.