АЛФА РОМЕО СО НОВ ИЗГЛЕД ЗА 111 РОДЕНДЕН

Тимот на Алфа Ромео ќе оддаде почит на историјата и спортското наследство на Алфа Ромео со суптилна промена на изгледот на болидот, за да го прослави 111-от роденден на производителот.

Во текот на повеќе од еден век историја, Алфа Ромео изгради реноме со производство на престижни автомобили со уникатен стил признат низ целиот свет.

Историјата на брендот е обележана со победи во мотоспортот и е изградена врз технолошко знаење и потрага по механичка совршеност. Страста на овој италијанскиот бренд е отелотворена во специјалното лого со кое ќе го слави својот 111-годишен јубилеј, дизајнирано од Centro Stile Alfa Romeo.

Инспирацијата се наоѓа во исконските елементи што го сочинуваат грбот на Алфа Ромео: "Biscione", змијата симболизирајќи го благородното семејство Висконти од Милано и крстот, симболот на самиот град.

Крстот се стопува во низа од бројот еден, развивајќи се во перспектива како да претставува поминување на времето и давајќи динамичен пресврт на бројот 111.

Логото ќе го замени традиционалниот грб на Alfa Romeo на капакот на моторот на болидите на Антонио Џовинаци и Кими Раиконен на Големата Награда на Штаерска, додека понатамошниот глас кон историјата на Алфа Ромео ќе се најде на носевите на болидите, а логото на брендот ќе биде заменето со исконскиот триаголник на марката.

Логоата на болидите се само еден елемент на целосната програма за прославување за 111-годишнината на Алфа Ромео, со цел спектар на активности и иницијативи што се одржуваат во музејот Алфа Ромео во Арезе, близу Милано, до недела.